Лінкі ўнівэрсальнага доступу

Штраф за расьцяжку «Свабоду палітвязьням!»


Наваполацкі актывіст партыі «Беларуская хрысьціянская дэмакратыя» (БХД) Сяргей Малашанка аштрафаваны на 300 тысяч рублёў.

Пра гэта БелаПАН паведаміла каардынатарка аргкамітэту па стварэньні БХД у Віцебскай вобласьці Тацяна Севярынец.

Паводле яе слоў, Сяргей Малашанка быў затрыманы супрацоўнікамі міліцыі раніцай 8 кастрычніка, калі зьбіраўся вывесіць расьцяжку «Свабоду палітвязьням!»

«Раней гаварылася пра дваіх затрыманых. Аднак аказалася, што таварыш Малашанкі змог зьбегчы ад міліцыі — зьехаў ад іх на вэлясыпэдзе», — паведаміла Севярынец.

Супрацоўнікі міліцыі даставілі Малашанку спачатку ў РУУС Наваполацку, а затым у суд. Малашанку прызналі вінаватым у правядзеньні несанкцыянаванага масавага мерапрыемства і аштрафавалі на тры базавыя велічыні (300 тысяч рублёў).
XS
SM
MD
LG