Лінкі ўнівэрсальнага доступу

Ужо сёньня, 2 кастрычніка: адкрыцьцё першай сэсіі новай палаты прадстаўнікоў, матч БАТЭ - «Баварыя», дзень нараджэньня Махатмы Гандзі


Махатма Гандзі

Махатма Гандзі

Бліц-агляд падзеяў і тэмаў у Беларусі, сьвеце, гісторыі.

НАДВОР'Е:

На захадзе краіны дажджы, у Віцебску хмарна без ападкаў, у Магілёве, Гомелі і Менску – сонечна. Тэмпэратура плюс 10-13 градусаў.

У БЕЛАРУСІ І СЬВЕЦЕ

Менск, у авальнай залі Дому ўраду (вул. Савецкая, 11) адбудзецца адкрыцьцё 11-й сэсіі палаты прадстаўнікоў Нацыянальнага сходу Беларусі. Пачатак у 10.00.

Менск, на стадыёне «Дынама» ў рамках групавой стадыі Лігі чэмпіёнаў УЕФА беларуская каманда БАТЭ згуляе зь нямецкай «Баварыяй». Пачатак у 21.45.

Жэнэва, абвяшчэньне імя ляўрэата праваабарончай прэміі Марціна Эналса.

ТАКСАМА Ў ГЭТЫ ДЗЕНЬ:

1413 – заключана Гарадзельская унія Вялікага княства Літоўскага з Каралеўствам Польскім, якая надала беларуска-літоўскай шляхце палітычныя правы.

1523 – у кракаўскай друкарні на лацінскай мове выйшаў зборнік Міколы Гусоўскага «Песьня пра зубра», які складаўся з прысьвячэньня каралеве Боне Сфорцы, уласна паэмы і 11 вершаў.

1899 – адкрылася пэдагагічная школа ў Пружанах.

1930 – у Горадні надрукаваны першы нумар часопісу «Беларуская думка».

1968 – памёр Аляксей Глебаў, беларускі скульптар.

1990 – выйшаў першы нумар газэты Вярхоўнага Савету Рэспублікі Беларусь «Народная газэта».

У гэты дзень нарадзіліся:

1869 – Махатма Гандзі, адзін з кіраўнікоў ды ідэоляг нацыянальна-вызваленчага руху Індыі.

1934 – Тамара Чарняўская, беларускі гісторык архітэктуры.

1945 – Тамара Габрусь, беларускі гісторык архітэктуры, мастацтвазнавец.

1961 – Сяргей Шупа, беларускі перакладчык, мовазнавец і журналіст.

1965 – Зьміцер Сідаровіч, беларускі дудар, былы лідэр гурту «Камэлот».

ЁСЬЦЬ НАГОДА

Міжнародны дзень супраць гвалту (у гонар дня нараджэньня Махатмы Гандзі).

ЦЫТАТА НА ПАМЯЦЬ:

Калі хочаш, каб сьвет зьмяніўся – сам стань гэтай зьменай.
Махатма Гандзі

ГОД ТАМУ Ў ЗАГАЛОЎКАХ НА САЙЦЕ СВАБОДЫ:

Эксклюзіўны погляд на «Гаагскі Хілтан»

Зьміцер Шаўчэнка: «Тыя, хто пасадзіў мяне за краты, заслугоўваюць толькі жалю»

Інаўгурацыя Лукашэнкі паводле міжнародных стандартаў

Паказаць камэнтары

XS
SM
MD
LG