УДЗЕНЬ...
...пераменная воблачнасьць, без ападкаў. Тэмпэратура: +13 — +15.
НЕ ПРАПУСЬЦІЦЕ:
У вечаровым эфіры Свабоды перадачы «Экспэртыза», «Вольная Студыя» «Бібліятэка Свабоды» і «Падарожжа Свабоды» (у вёску Новы Двор у Шчучынскім раёне).
У БЕЛАРУСІ І СЬВЕЦЕ
У офісе ТБМ (вул. Румянцава, 13) у межах кампаніі «Будзьма беларусамі!» адбудзецца сустрэча з Генадзем Бураўкіным. Пачатак у 18.00.
У спартовым комплексе «Мінск-Арэна» (пр. Пераможцаў, 111) адбудзецца канцэрт сьпявачкі Джэніфэр Лопэс. Пачатак у 20.00.
У Дзяржаўным музэі гісторыі беларускай літаратуры (вул. М. Багдановіча, 13) адбудзецца беларуска-латыскі вечар пры ўдзеле Сяргея Панізьніка «Ў храме Бацькаўшчыны».
У Брусэлі камітэт замежных справаў Эўрапарлямэнту агучыць прозьвішчы сёлетніх кандыдатаў на прэмію імя Андрэя Сахарава (чакаецца, што сярод кандыдатаў будзе прадстаўнік Беларусі).
У Варшаве працягваецца сустрэча Канфэрэнцыі АБСЭ па правах чалавека.
У Нью-Ёрку прэзыдэнт ЗША Барак Абама выступае на сэсіі Генэральнай Асамблеі ААН.
* * *
Паважаныя наведнікі сайту! Дапамажыце больш поўна прадставіць беларускі дзень — дашліце інфармацыю пра плянаваныя падзеі, якія будуць цікавыя нашым чытачам, на адрас svaboda@rferl.org
ТАКСАМА Ў ГЭТЫ ДЗЕНЬ
1921 — у Празе пачалася Першая Ўсебеларуская канфэрэнцыя. На канфэрэнцыі прысутнічалі 37 дэлегатаў ад арганізацый і партый Заходняй Беларусі ды шмат якіх краінаў Эўропы. Канфэрэнцыя пацьвердзіла, што адзіным заканадаўчым органам для Беларусі зьяўляецца Рада Беларускае Народнае Рэспублікі.
У гэты дзень нарадзіліся:
1765 — Міхал Клеафас Агінскі, вялікалітоўскі дзяржаўны дзяяч, дыплямат, кампазытар.
1887 — Уільям Фолкнэр, амерыканскі пісьменьнік, ляўрэат Нобэлеўскай прэміі па літаратуры.
1906 — Дзьмітры Шастаковіч, расейскі кампазытар.
1913 — Сяргей Грахоўскі, беларускі пісьменьнік.
1938 — Вячаслаў Целеш, беларускі мастак, дзяяч беларускай дыяспары ў Латвіі.
1951 — Пэдра Альмадовар, гішпанскі кінэматаграфіст.
1962 — Алесь Бяляцкі, старшыня праваабарончага цэнтру «Вясна».
У гэты дзень памерлі:
1970 — Эрых Марыя Рэмарк, нямецкі пісьменьнік.
1983 — Марыян Пецюкевіч, беларускі этнограф і грамадзкі дзяяч.
ЦЫТАТА НА ПАМЯЦЬ:
«Жыць — значыць рабіць памылковы выбар зь дзьвюх магчымасьцяў».
Уільям Фолкнэр
ГОД ТАМУ Ў ЗАГАЛОЎКАХ НА САЙЦЕ «СВАБОДЫ»:
«Прашытыя» ў КДБ кампутары праваабаронцы перадаюць дзецям