Лінкі ўнівэрсальнага доступу

Ужо сёньня, 21 верасьня: Дажынкі ў Горках, дзень нараджэньня Стывэна Кінга


Насьценны каляндар да 130-годзьдзя Якуба Коласа
Насьценны каляндар да 130-годзьдзя Якуба Коласа

Бліц-агляд падзеяў і тэмаў у Беларусі, сьвеце, гісторыі.

УДЗЕНЬ...

...пераменная воблачнасьць, без ападкаў. Тэмпэратура: плюс 12–14.

НЕ ПРАПУСЬЦІЦЕ:

У вечаровым эфіры Свабоды перадачы «Вольная студыя», «Экспэртыза», «Падарожжа» і «Бібліятэка Свабоды».

У БЕЛАРУСІ І СЬВЕЦЕ

Адбудзецца прэс-канфэрэнцыя, падчас якой прадстаўнікі кампаніі байкоту парлямэнцкіх выбараў прадставяць вынікі свайго назіраньня за датэрміновым галасаваньнем. Менск, вул. Кульман, 4. Пачатак у 12.00.

У Горках у Магілёўскай вобласьці пачынаюцца двухдзённыя «Дажынкі 2012».

21 верасьня – Міжнародны дзень міру.

* * *
Паважаныя наведнікі сайту! Дапамажэце больш поўна прадставіць беларускі дзень – дашлеце інфармацыю пра плянаваныя падзеі, якія будуць цікавыя нашым чытачам, на адрас svaboda@rferl.org.


ТАКСАМА Ў ГЭТЫ ДЗЕНЬ

1610 – войскі Рэчы Паспалітай і ВКЛ занялі Маскву.

1937 – пабачыла сьвет кніга Дж. Р. Р. Толкіна «Хобіт».

1943 – у ноч з 21 на 22 верасьня быў забіты кіраўнік нямецкай акупацыйнай адміністрацыі Беларусі гаўляйтэр Вільгельм Кубэ. Ён загінуў ад выбуху міны, якую прычапіла да спружынаў ягонага ложка пакаёўка і падпольшчыца Алена Мазанік.

У гэты дзень нарадзіліся:

1903 – Язэп Бельскі, адзін з кіраўнікоў партызанскага руху ў часы Другой сусьветнай вайны ў Беларусі (пам. 1966).

1909 – Зьміцер Касмовіч, беларускі грамадзка-палітычны дзяяч (пам. 1991).

1918 – беларускі мовазнавец і пісьменьнік Фёдар Янкоўскі (пам. 1989).

1947 – амэрыканскі пісьменьнік Стывэн Кінг.

У гэты дзень памерлі:

1830 – Ян Сьнядэцкі, астраном, матэматык, філёзаф, рэктар Віленскага ўнівэрсытэту (нар. 1756).

1832 – ангельскі пісьменьнік Уолтэр Скот (нар. 1771)

1848 — беларускі славіст Міхал Баброўскі (нар. 1784).

1975 – беларускі пісьменьнік Міхась Лынькоў (нар. 1899), аўтар аповесьці «Міколка-паравоз» (1937).

ЦЫТАТА НА ПАМЯЦЬ:

Вы ня бачылі Міколкавай хаты? Яна вунь у самым тупіку, дзе канчаюцца станцыённыя лініі, дзе безьліч стрэлак, дзе стаяць недалёка прыгожыя сэмафоры, дзе ў бязьмежныя прасторы працягнуліся, пабеглі бліскучыя рэйкі...

Міхась Лынькоў, пачатак аповесьці «Міколка-паравоз».

ГОД ТАМУ Ў ЗАГАЛОЎКАХ НА САЙЦЕ СВАБОДЫ:

Інтэрвію з удзельнікамі акцыі маўклівага пратэсту
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG