Лінкі ўнівэрсальнага доступу

МЗС пра санкцыі супраць «Белзьнешпрамсэрвісу»: гэта спроба аказаць ціск


Андрэй Савіных

Андрэй Савіных

Прэсавы сакратар МЗС Андрэй Савіных назваў аднабаковым ціскам на Рэспубліку Беларусь рашэньне Міністэрства фінансаў ЗША ўвесьці дадатковыя санкцыі супраць кампаніі «Белзьнешпрамсэрвіс».

Андрэй Савіных заявіў, што такія абвінавачаньні не адпавядаюць рэчаіснасьці, і запэўніў, што пры пастаўках зброі Беларусь прытрымліваецца міжнародных пагадненьняў і рэзалюцыяў ААН.

Фірма «Белзьнешпрамсэрвіс», якая належыць беларускай дзяржаве, у сакавіку 2011 году пастаўляла сырыйскаму войску ўзрывальнікі для авіяцыйных бомбаў. Пра гэта гаворыцца ў апублікаваным 19 верасьня прэсавым рэлізе Міністэрства фінансаў ЗША.

Гэтыя бомбы выкарыстоўваліся рэжымам Асада ў ліпені 2012 году пры паветраных бамбардзіроўках Алепа, каб запалохаць паўстанцаў Сырыі.

«Белзьнешпрамсэрвіс» — адна зь фірмаў, супраць якіх Міністэрства фінансаў ЗША ўвяло санкцыі. Гэтыя фірмы і прыватныя асобы, сьцьвярджаецца ў прэс-рэлізе, падтрымлівалі рэжым Башара Асада ў Сырыі зброяй і сродкамі сувязі, якія выкарыстоўваліся для гвалту супраць сырыйскага народу.

Працяг тэмы — пазьней на сайце «Свабоды»
XS
SM
MD
LG