Начальства пакуль сытуацыю не тлумачыць, але рабочыя і не пратэстуюць. Актывісты незалежнага прафсаюзу мяркуюць, што на такі крок кіраўніцтва прадпрыемства ідзе, здушыўшы пратэст рабочых.
Пра тое, што на «Граніце» сталі меншымі заробкі, паведаміў «Свабодзе» экскаватаршчык Леанід Дубаносаў:
«Заробкі ўпалі на паўтары-два мільёна ў экскаватаршчыкаў. У кіроўцаў „БелАЗаў“ яшчэ больш упалі — да трох мільёнаў. Больш за ўсіх атрымлівалі „белазісты“, вось у іх больш і ўпала».
У чэрвені заробак на «Граніце» быў падняты ў два разы, і кіроўцы самазвалаў сталі зарабляць 8 і больш мільёнаў рублёў. Спадар Дубаносаў мяркуе, што цяпер заробкі пачалі зьмяншаць, зьбіўшы хвалю пратэсту рабочых:
«Тады паднялі заробак, каб стыхію гэтую зьбіць... Усё гэта на два-тры месяцы. Так яно і атрымалася. Ужо бачаць, што людзей мала засталося ў незалежным прафсаюзе...»
Леанід Дубаносаў кажа, што начальства пакуль не камэнтуе, з чым зьвязана паніжэньне заробкаў. А рабочыя пакуль пратэсту не выказваюць, тлумачыць экскаватаршчык.
Працаўніца іншага мікашэвіцкага прадпрыемства — заводу жалезабэтонных вырабаў — распавяла, што заробкі паменшалі і ў іх:
«Зараз выдаў нам да Дня будаўніка 600 тысяч прэміі, і заробак застаўся такі ж. Але калі адняць гэтую прэмію — то заробак нашмат меншы...»
Спадарыня кажа, што, тым ня меней, пратэставаць людзі не зьбіраюцца:
«Вельмі людзі баяцца, таму што ёсьць шмат жанчын, якія самі жывуць, без мужоў. І гэта адзіны іхні даход. І сядзяць, маўчаць, нічога зрабіць ня могуць, таму што зь імі не працягнуць кантракт...»
Кіраўнік суполкі незалежнага прафсаюзу на «Граніце» Алег Стахаевіч кажа, што каб дабівацца лепшага заробку, працоўным ня трэба маўчаць:
«Мы стварылі незалежны прафсаюз для сыстэмнага вырашэньня праблемаў, зьвязаных з чалавекам працы, а не для аднаразовай успышкі, якая мае ўласьцівасьць затухаць... Гэта — цудоўная нагода для рабочых задумацца над сытуацыяй і прыняць правільнае рашэньне з разуменьнем, што ніхто, акрамя нас, нашыя праблемы вырашаць ня будзе. Хто змагаецца, той заўсёды мае шанец перамагчы, а хто спыніў супраціў — той страціў усё...»
Пра тое, што на «Граніце» сталі меншымі заробкі, паведаміў «Свабодзе» экскаватаршчык Леанід Дубаносаў:
«Заробкі ўпалі на паўтары-два мільёна ў экскаватаршчыкаў. У кіроўцаў „БелАЗаў“ яшчэ больш упалі — да трох мільёнаў. Больш за ўсіх атрымлівалі „белазісты“, вось у іх больш і ўпала».
У чэрвені заробак на «Граніце» быў падняты ў два разы, і кіроўцы самазвалаў сталі зарабляць 8 і больш мільёнаў рублёў. Спадар Дубаносаў мяркуе, што цяпер заробкі пачалі зьмяншаць, зьбіўшы хвалю пратэсту рабочых:
«Тады паднялі заробак, каб стыхію гэтую зьбіць... Усё гэта на два-тры месяцы. Так яно і атрымалася. Ужо бачаць, што людзей мала засталося ў незалежным прафсаюзе...»
Леанід Дубаносаў кажа, што начальства пакуль не камэнтуе, з чым зьвязана паніжэньне заробкаў. А рабочыя пакуль пратэсту не выказваюць, тлумачыць экскаватаршчык.
Працаўніца іншага мікашэвіцкага прадпрыемства — заводу жалезабэтонных вырабаў — распавяла, што заробкі паменшалі і ў іх:
«Зараз выдаў нам да Дня будаўніка 600 тысяч прэміі, і заробак застаўся такі ж. Але калі адняць гэтую прэмію — то заробак нашмат меншы...»
Спадарыня кажа, што, тым ня меней, пратэставаць людзі не зьбіраюцца:
«Вельмі людзі баяцца, таму што ёсьць шмат жанчын, якія самі жывуць, без мужоў. І гэта адзіны іхні даход. І сядзяць, маўчаць, нічога зрабіць ня могуць, таму што зь імі не працягнуць кантракт...»
Кіраўнік суполкі незалежнага прафсаюзу на «Граніце» Алег Стахаевіч кажа, што каб дабівацца лепшага заробку, працоўным ня трэба маўчаць:
«Мы стварылі незалежны прафсаюз для сыстэмнага вырашэньня праблемаў, зьвязаных з чалавекам працы, а не для аднаразовай успышкі, якая мае ўласьцівасьць затухаць... Гэта — цудоўная нагода для рабочых задумацца над сытуацыяй і прыняць правільнае рашэньне з разуменьнем, што ніхто, акрамя нас, нашыя праблемы вырашаць ня будзе. Хто змагаецца, той заўсёды мае шанец перамагчы, а хто спыніў супраціў — той страціў усё...»
