Лінкі ўнівэрсальнага доступу

Рыгор Барадулін: «І палітычная гайданка не разгайдала канчаткова аўтарытэт Максіма Танка»


Максім Танк з жонкай Любоўю. 1947 г. З асабістага фонду М. Танка ў БДАМЛМ
Максім Танк з жонкай Любоўю. 1947 г. З асабістага фонду М. Танка ў БДАМЛМ

У пару сваёй жыцьцёвай і творчай сталасьці Максім Танк быў першым сакратаром, а пасьля старшынёй Саюзу пісьменьнікаў Беларусі, абіраўся дэпутатам і старшынёй Вярхоўнага Савету БССР. Пра гэты пэрыяд жыцьця сёньняшняга юбіляра прыгадвае народны паэт Рыгор Барадулін.

«Сто гадоў Максіму Танку — аж ня верыцца. Здаецца, учора я бачыў яго ў прэзыдыюмах розных зьездаў, пленумаў, і было такое ўражаньне, што ён ня слухаў, седзячы там, нічога і не зьвяртаў увагі ні на што навокал, а пісаў свае вэрлібры. Творчасьць Максіма Танка — гэта цэлая эпоха ў нашай паэзіі, і яшчэ доўга будзе ягоная паэзія жыць. Я некалі пісаў яму такія радкі:

І палітычная гайданка
Не разгайдала канчаткова
Аўтарытэт Максіма Танка.
Стараўся ж не безвынікова
Быць у застольныя часы
Паэтам чыстае красы
І, часам плоцячы даніну,
Прыгожую захоўваў міну.

Хай яго слова будзе гучаць доўга».
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG