Палітоляг Віктар Чарноў, зыходзячы з вынікаў суботніх партыйных форумаў БНФ і АГП, гаворыць «Свабодзе», што у апазыцыі ўсё ж перамагла ідэя актыўнага байкоту выбараў:
Пасьля таго як БНФ і АГП на партыйных форумах вырашылі зьняць сваіх кандыдатаў з выбарчай кампаніі, далейшую барацьбу за мандаты па ўсёй краіне працягнуць меней за 300 прэтэндэнтаў. Сярэдняе прадстаўніцтва па адной акрузе цяпер ужо не складае і трох чалавек. Каля дзесятка акругаў становяцца безальтэрнатыўнымі.
«З кожнай выбарчай кампаніяй мы назіраем усё меншую цікавасьць да яе з боку грамадзтва, што паказвае яўка выбарцаў» — адзначае Віктар Чарноў:
«Афіцыйная яўка можа быць якой заўгодна. Але рэальная яўка, хаця яна і перавысіць 50% у сярэднім па краіне, ужо ня будзе такой высокай, як, напрыклад, падчас парлямэнцкіх выбараў 2000 году. То бок агульная тэндэнцыя такая — той фармат правядзеньня выбараў, які абірае ўлада, усё меней і меней задавальняе людзей. Усё болей і болей людзей адварочваюцца ад выбараў, бо яны для іх прадстаўляецца нейкім спэктаклем».
Колькасьць кандыдатаў на парлямэнцкія крэслы ад кампаніі да кампаніі зьніжаецца. «Чаму так адбываецца?» — спытаў я старшыню Цэнтарвыбаркаму Лідзію Ярмошыну. У адказ пачуў наступнае:
«Ну, што я магу сказаць? Сілай жа нікога не прымусіш удзельнічаць у выбарах».
Пасьля таго як БНФ і АГП на партыйных форумах вырашылі зьняць сваіх кандыдатаў з выбарчай кампаніі, далейшую барацьбу за мандаты па ўсёй краіне працягнуць меней за 300 прэтэндэнтаў. Сярэдняе прадстаўніцтва па адной акрузе цяпер ужо не складае і трох чалавек. Каля дзесятка акругаў становяцца безальтэрнатыўнымі.
«З кожнай выбарчай кампаніяй мы назіраем усё меншую цікавасьць да яе з боку грамадзтва, што паказвае яўка выбарцаў» — адзначае Віктар Чарноў:
«Афіцыйная яўка можа быць якой заўгодна. Але рэальная яўка, хаця яна і перавысіць 50% у сярэднім па краіне, ужо ня будзе такой высокай, як, напрыклад, падчас парлямэнцкіх выбараў 2000 году. То бок агульная тэндэнцыя такая — той фармат правядзеньня выбараў, які абірае ўлада, усё меней і меней задавальняе людзей. Усё болей і болей людзей адварочваюцца ад выбараў, бо яны для іх прадстаўляецца нейкім спэктаклем».
Колькасьць кандыдатаў на парлямэнцкія крэслы ад кампаніі да кампаніі зьніжаецца. «Чаму так адбываецца?» — спытаў я старшыню Цэнтарвыбаркаму Лідзію Ярмошыну. У адказ пачуў наступнае:
«Ну, што я магу сказаць? Сілай жа нікога не прымусіш удзельнічаць у выбарах».