Лінкі ўнівэрсальнага доступу

Сёньня, 29 жніўня: разьвітаньне з Якавам Навуменкам, адкрыцьцё паралімпійскіх гульняў у Лёндане


Бліц-агляд падзеяў і тэмаў у Беларусі, сьвеце, гісторыі.

Надвор’е

У Беларусі чакаецца воблачнае надвор’е, тэмпэратура — да 18 градусаў цяпла.

У Беларусі і ў сьвеце

У Белдзяржфілярмоніі — цырымонія разьвітаньня з народным артыстам Беларусі Якавам Навуменкам, які загінуў у Севастопалі

У офісе Аб’яднанай грамадзянскай партыі — прэсавая канфэрэнцыя старшыні партыі Анатоля Лябедзькі «Цэнзура як інструмэнт барацьбы з кандыдатамі ў дэпутаты ад АГП». Пачатак а 12-ай.

У Нікасіі — сустрэча міністраў замежных спраў краін Эўразьвязу

У Тампе (Флорыда) — зьезд Рэспубліканскай партыі, які вылучыць кандыдата на пасаду прэзыдэнта ЗША

У Лёндане — Летнія паралімпійскія гульні

Гэты дзень у гісторыі:

1289 — заснаваная інквізыцыя

1535 — войскамі ВКЛ у ходзе вайны Маскоўскай дзяржавы зь Вялікім Княствам Літоўскім пасьля месяцовае аблогі быў узяты горад Старадуб

1831 — перамога паўстанцаў за аднаўленьне Рэчы Паспалітай у бітве пад Рагозьніцай

1919 — польскія войскі захапілі Бабруйск у часе вайны з Савецкай Расеяй

1949 — выпрабаваньні першай савецкай атамнай бомбы на палігоне ў Сяміпалацінску (Казахстан)

1966 — «The Beatles» далі свой апошні канцэрт у парку Кэндлстык у Сан-Францыска

1991 — Вярхоўны Савет Азэрбайджану прыняў дэклярацыю «Аб узнаўленьні дзяржаўнай незалежнасьці Азэрбайджанскай Рэспублікі»

1992 — адкрылася для наведвальнікаў філія Літаратурнага музэю Янкі Купалы ў Акопах

У гэты дзень нарадзіліся:

1915 — Інгрыд Бэргман, швэдзкая акторка

1936 — Джон Макейн, сэнатар ЗША ад штату Арызона. Неаднаразова выказваўся ў падтрымку дэмакратыі ў Беларусі

1958 — Майкл Джэксан, амэрыканскі поп-сьпявак

У гэты дзень памерлі:

1982 — Нахум Гольдман, грамадзкі дзяяч, адзін зь лідэраў сіянісцкага руху, заснавальнік і прэзыдэнт Сусьветнага габрэйскага кангрэсу

2006 — Нагіб Махфуз, знакаміты эгіпецкі пісьменьнік-раманіст, адзіны ляўрэат Нобэлеўскай прэміі па літаратуры, які пісаў на арабскай мове

Цытата на памяць:

«Адным з вашых пытаньняў было пытаньне, што мы думаем пра Лукашэнку. Я думаю, што ён бязьлітасны, жорсткі, брутальны тыран, які насамрэч абраў няправільны бок. Рана ці позна, я думаю, беларусы змогуць скарыстаць асноватворныя правы, якія гарантуюцца натуральным чынам усім».

Сэнатар Джон Маккейн, з выступу на сустрэчы са студэнтамі ЭГУ.

Год таму на сайце Свабоды

Наста Палажанка: «Для круглага стала з апазыцыяй неабходна вызваліць лідэраў апазыцыі»

Лукашэнка запрашае ўсіх за «круглы стол». Хто пойдзе?

Беларусь — самая нешчасьлівая краіна з самай вялікай інфляцыяй
XS
SM
MD
LG