Лінкі ўнівэрсальнага доступу

Украіна выдала ў Расею падазраванага ўдзельніка замаху на Пуціна


Кватэра ў Адэсе, дзе жылі падазраваныя – пасьля выбуху 4 студзеня 2012

Кватэра ў Адэсе, дзе жылі падазраваныя – пасьля выбуху 4 студзеня 2012

Аб затрыманьні спэцслужбамі Ўкраіны падазраваных у падрыхтоўцы замаху на Пуціна стала вядома напярэдадні прэзыдэнцкіх выбараў у Расеі

Украіна выдала ў Расею аднаго з падазраваных у падрыхтоўцы замаху на прэзыдэнта РФ Уладзіміра Пуціна. Як паведаміў у суботу ўвечары расейскі "Першы канал", грамадзянін Казахстану Ільля П'янзін ужо дастаўлены ў Маскву. Рашэньне аб яго экстрадыцыі Апэляцыйны суд у Адэсе прыняў яшчэ 20 жніўня.

Аб затрыманьні спэцслужбамі Ўкраіны падазраваных у падрыхтоўцы замаху на Пуціна стала вядома напярэдадні прэзыдэнцкіх выбараў у Расеі. Сюжэт пра гэта паказаў 27 лютага "Першы канал". Сьцьвярджалася, што затрыманыя дзейнічалі на загад лідэра паўночнакаўкаскіх ваеўнікоў Доку Ўмарава. Паводле афіцыйнай вэрсіі, ваеўнікі рыхтаваліся да тэракту ў Адэсе, пасьля чаго мелі выехаць для яго выкананьня ў Маскву. Пляны былі парушаныя калі ў кватэры, якую здымалі хаўрусьнікі здарыўся выбух – як мяркуецца – з-за выпадковага дэтанаваньня выбухоўкі.

Пры гэтым адзін жыхар кватэры загінуў. Яшчэ адзін - Ільля П'янзін быў шпіталізаваны з апёкамі. П'янзін, пачаў актыўна супрацоўнічаць са сьледствам і выдаў лідэра групы ўраджэнца Грознага Адама Асмаева, які быў затрыманы празь месяц у ходзе спэцапэрацыі. Сьледзтва сьцьвярджае, што група рыхтавала замах на Пуціна. Расея запатрабавала выдачы падазраваных. Тым ня менш, рашэньне аб экстрадыцыі Асмаева было прыпынена на патрабаваньне Эўрапейскага суду па правох чалавека.

Паказаць камэнтары

XS
SM
MD
LG