Лінкі ўнівэрсальнага доступу

Мадона зноў заступілася за Pussy Riot


Мадона на канцэрце ў Маскве 8 жніўня 2012

Мадона на канцэрце ў Маскве 8 жніўня 2012

Поп-зорка Мадона зноў заступілася за асуджаных удзельніц расейскага панк-гурту Pussy Riot. А актор і пісьменьнік Стывэн Фрай зьвярнуўся да дзяўчат з адкрытым лістом.

Амэрыканская сьпявачка Мадона перапыніла свой канцэрт у Францыі, у Ніцы, воклічам «Свабоду Pussy Riot!». Сьпявачка сказала, што яе турбуе ня толькі сытуацыя вакол асуджаных удзельніц расейскага панк-гурту, але і наогул стан спраў са свабодай у Расеі. «Кожны чалавек мае права на тое, каб зь ім абыходзіліся годна», — заявіла сьпявачка, якая раней апублікавала на сваім сайце заяву аб тым, што лічыць занадта жорсткім прысуд жанчынам з Pussy Riot.

З заявай у іх абарону Мадона таксама выступіла падчас сваіх гастроляў у Расеі. На сваім канцэрце ў Маскве Мадона выказала адназначную падтрымку ўдзельніцам панк-гурту і выказалася за разьвіцьцё свабоды. Увесь гэты час праваслаўныя актывісты праводзілі ля гатэля, дзе спынілася Мадона, пікеты, пратэстуючы супраць пазыцыі Мадоны ў сувязі з судом над удзельніцамі гурту Pussy Riot.

У сваю чаргу на сайце праваабарончай арганізацыі Amnesty Interntional апублікаваны адкрыты ліст брытанскага актора, пісьменьніка і драматурга Стывэна Фрая ў падтрымку Pussy Riot, дзе ён сярод іншага зазначыў:

«Большасьць разважных людзей, будзь яны хрысьціянамі або не або нават сьляпымі або глухімі, — для большасьці відавочна: такі доўгі працэс і такі суровы прысуд немагчымы ў краіне, якая называе сябе справядлівым дэмакратычнай дзяржавай.

У падтрымку жанчын з Pussy Riot выступіла вялікая колькасьць расейскіх і заходніх зорак. Сярод іх — Пол Макартні, Стынг, Пітэр Гэбрыэл, Б’ёрк, Red Hot Chili Peppers, Franz Ferdinand.

Сустракаюцца і іншыя меркаваньні.

Журналіст The Guardian Сайман Джэнкінс нагадвае, што ўсяго месяц таму лёнданскі суд прыгаварыў да турэмнага зьняволеньня Чарльза Гілмара: ён гойдаўся на брытанскім сьцягу на помніку ахвярам вайны і кінуў скрыню для сьмецьця ў паліцэйскую машыну. Cудзьдзя пазбавіў яго волі на паўтара года. «Як могуць брытанскія палітыкі, чые заявы відавочна маюць на мэце паўплываць на судзьдзяў, крытыкаваць іншыя незалежныя дзяржавы за тое самае?» — задае пытаньнем Джэнкінс.

«На мінулым тыдні МЗС Вялікабрытаніі выказаў» значную занепакоенасьць "лёсам трох удзельніц расейскага гурту Pussy Riot, прысуджаных да двух гадоў пазбаўленьня волі за «хуліганства «ў маскоўскім храме Хрыста Збаўцы. Паводле ўсіх апісаньняў, тое, што яны арганізавалі, было непрыстойнай выхадкай з мэтай прыцягнуць да сябе ўвагу. Яны зьнялі на відэа антыпуцінскую песьню, якая абражае Багародзіцу перад тварам набожных вернікаў », - піша аўтар.

«Мы можам сказаць, што гэта добра для свабоды слова. Але будзе перамяншэньнем назваць гэты ўчынак абразай грамадзкай прыстойнасьці. Як паказала апытаньне грамадзкай думкі, праведзенае Левада-цэнтрам, толькі 5% расейцаў лічаць, што дзяўчыны павінны застацца беспакаранымі, 65% хацелі бы, каб іх пасадзілі ў турму, а 29% — прысудзілі да папраўчых працаў , - адзначае Сайман Джэнкінс. — Часам існуюць як несувымерныя прысуды, гэтак і несувымерныя апалёгіі».
XS
SM
MD
LG