Лінкі ўнівэрсальнага доступу

У М’янме скасаваная цэнзура


Ляўрэат Нобэлеўскай прэміі міру Аун Сан Су Чжы

Ляўрэат Нобэлеўскай прэміі міру Аун Сан Су Чжы

Поўная свабода друку ад цэнзуры была дасягнутая шляхам зьняцьця апошняга абмежаваньня для СМІ — папярэдняй цэнзуры публікацый на рэлігійныя і палітычныя тэмы.

З гэтага часу газэты, якія спэцыялізуюцца на рэлігійнай і палітычнай тэматыцы, не абавязаныя падаваць публікацыі на разгляд у дэпартамэнт рэгістрацыі і кантролю над прэсай.

Акрамя таго, улады працуюць над новым законам аб друку, які ахоплівае правы і абавязкі журналістаў і кодэкс прафэсійнай этыкі супрацоўніка СМІ. Для дапамогі ў яго стварэньні плянуецца стварыць Раду па друку.

Раней М’янма лічылася адной з краін з самым рэпрэсіўным рэжымам адносна свабоды слова. Пакуль па дадзеных міжнароднай арганізацыі «Рэпартэры бязь межаў», яна займае 169-е месца з 179 у рэйтынгу свабоды слова ў краінах сьвету.

Паўтары гады таму ваенныя ўлады М’янма пачалі ў краіне дэмакратычныя рэформы: былі праведзеныя адносна свабодныя давыбары ў парлямэнт, вызваленая з-пад варты лідэр апазыцыі, ляўрэат Нобэлеўскай прэміі міру Аун Сан Су Чжы. У адказ з М’янма была зьнятая большасьць заходніх эканамічных санкцый, якія дзейнічалі шмат гадоў.

Скасаваньне цэнзуры — далейшы крок у накірунку лібэралізацыі М’янма.
XS
SM
MD
LG