Лінкі ўнівэрсальнага доступу

Ярмошына чакае нэгатыву ад назіральнікаў з-за Эрыксана


Старшыня ЦВК Лідзія Ярмошына чакае на парлямэнцкіх выбарах асабліва прадузятых адзнак з боку назіральнікаў ад АБСЭ з-за скандалу паміж уладамі Беларусі і Швэцыяй.

«Тое, што спадар Эрыксан актыўна ўмешваўся ў працэс назіраньня, было падчас усіх выбарчых кампаній, якія праходзілі ў краіне. Зразумела, я думаю, што гэты канфлікт накладзе свой адбітак», — цытуе Ярмошыну БелТА.

Разам з тым, яна чакае, што ў сувязі з гэтай сытуацыяй стаўленьне з боку назіральнікаў БДІПЧ АБСЭ да выбарчай кампаніі ў Беларусі будзе асабліва прадузятым: «Яно звычайна прадузятае, але ў дадзеным выпадку будзе з яшчэ большым адценьнем нэгатыву».

Парлямэнцкія выбары ў Беларусі адбудуцца 23 верасьня.

Місія БДІПЧ АБСЭ прыбудзе ў Менск для назіраньня за выбарамі пасьля 20 жніўня.

Паказаць камэнтары

XS
SM
MD
LG