Лінкі ўнівэрсальнага доступу

Кіраўнік МЗС Расеі едзе ў Менск


Сяргей Лаўроў

Сяргей Лаўроў

Заўтра пачнецца двухдзённы працоўны візыт у Беларусь міністра замежных справаў Расеі Сяргея Лаўрова.

Візыт адбудзецца ў межах рэгулярных кансультацый паміж зьнешнепалітычнымі ведамствамі дзьвюх краін. Падчас візыту Лаўроў правядзе перамовы са сваім беларускім калегам Сяргеем Мартынавым.

Паведамляецца, што тэмамі перамоваў стануць пытаньні рэгіянальнай і эўрапейскай бясьпекі і праблемы паглыбленьня інтэграцыі на прасторы СНД, найперш у межах саюзнай дзяржавы, Мытнага саюзу, Адзінай эканамічнай прасторы і АДКБ.

Паводле паведамленьня МЗС РФ чакаецца, што адбудзецца таксама сустрэча расейскага міністра з кіраўніком Беларусі Аляксандрам Лукашэнкам.
XS
SM
MD
LG