Лінкі ўнівэрсальнага доступу

Лукашэнка пра Эрыксана: На чале пятай калёны хадзіў, вывучаў нашу мову


Падчас размовы з журналістамі на пляцоўцы будучай Астравецкай АЭС Аляксандар Лукашэнка асобна спыніўся на фігуры ўжо былога амбасадара Швэцыі ў Беларусі Стэфана Эрыксана.

Ён адзначыў контрапрадуктыўную дзейнасьць дыплямата, абвінаваціўшы таго ў невытлумачальным інтарэсе да беларускай гісторыі і мовы. Нібыта яшчэ год таму швэдзкаму боку было заяўлена пра немагчымасьць далейшага падаўжэньня акрэдытацыі Эрыксана з-за дзейнасьці, якой ён займаўся ў Беларусі:

«Мы бачылі гэта. Я ўжо не кажу пра тое, што ён на чале нашай пятай калёны хадзіў, вывучаў нашу мову і гiсторыю беларускага народа. Дай бог, зараз часу больш будзе. Пытаньне ў тым, што ён разбураў усялякі пазытыў у адносінах Швэцыі і Беларусі. Гэта было год таму. Я паслухаў і кажу: ня трэба яго пазбаўляць акрэдытацыі, яму засталося папрацаваць менш за год, давайце патрываем».

Лукашэнка сьцьвярджае, што Беларусь і Швэцыя раней дамовіліся абмяняцца новымі амбасадарамі, аднак гэтыя дамоўленасьці былі парушаныя швэдзкім бокам, у выніку чаго і ўзьнік дыпляматычны канфлікт. Ён нагадаў, што Стэфан Эрыксан працаваў у Беларусі 7 гадоў, хоць звычайна тэрмін знаходжаньня абмяжоўваецца трыма гадамі. Як падсумаваў Лукашэнка, бясконца ісьці насустрач Стакгольму афіцыйны Менск ня мог.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG