Лінкі ўнівэрсальнага доступу

Сёньня на сэлектарнай нарадзе па пытаньнях уборкі ўраджаю Аляксандр Лукашэнка папярэдзіў кіраўнікоў усіх рангаў аб жорсткай адказнасьці за вынікі іх працы, перадае БелаПАН.

«Лічыце цяперашнюю размову пачаткам жорсткага попыту з вас. Я вас папярэджваў ў мінулым годзе і ў канцы года. Я чакаю, угаворваю, стаўлю задачы. Наступіць час попыту і адказнасьці за сваю працу. Лічыце, што яно надышоў» — сказаў кіраўнік дзяржавы і патлумачыў: «Гэта не толькі ваенных тычыцца: праваліліся — адказвайце, плакаць няма чаго».

«Губэрнатары праваліліся, не зрабілі — адказвайце, члены ўрада — тое ж самае. Вы бачыце, што зусім нядаўна некалькі міністраў пакінулі свае пасады, бяз шуму, бяз пылу, бяз гвалту. Цягнеш — цягні, выконваеш задачы, даеш канкрэтны вынік — вялікі дзякуй. Я да вас стаўлюся як да сваіх дзяцей, нягледзячы на тое, што многія — мае аднагодкі і старэйшыя за мяне. І мне сёньня адправіць у адстаўку міністра або губэрнатара — гэта хвароба, пакуль не забудзецца, напэўна, год, і то я потым праз некаторы час пытаюся: а як там гэты, а як там той? Але інакш я паступіць не магу, і ня трэба на мяне крыўдзіцца. Я не магу праваліць справу з-за добрага стаўленьня да чалавека. Гэтак жа і губэрнатары — усе яны мае людзі, я за ўсіх нясу адказнасьць. Але, прабачце, і пытацца буду на ўсю катушку», — цытуе словы Аляксандра Лукашэнкі яго прэсавая служба.

Паказаць камэнтары

XS
SM
MD
LG