На гэтым тыдні Радыё Свабода разыгрывае модны плэер iPod Shuffle апошняга пакаленьня з УСІМІ трэкамі ад Саўкі і Грышкі, з абедзьвюма часткамі «Начной чытанкі» і «Бардаў Свабоды» — разам 2 гігабайты аўдыё і музыкі.
Для ўдзелу дастаткова далучыцца да суполкі Радыё Свабода ў Facebook ці Vkontakte і паставіць «лайк» пад паведамленьнем аб конкурсе. Выпадкова абраны пераможца атрымае iPod.
Каб узяць удзел у конкурсе, трэба выканаць некалькі простых крокаў:
— Быць сябрам альбо далучыцца да суполкі Радыё Свабода Vkontakte альбо Суполкі ў Facebook;
— Націснуць пад паведамленьнем аб конкурсе «мне падабаецца» і «распавесьці сябрам» («падзяліцца»).
Пераможца будзе вызначаны выпадковым чынам сярод тых, хто выканае дзьве ўмовы. Гарантуем, што працэс вызначэньня пераможцы — бесстароньні і неперадузяты. Вось відэа з выбару пераможцы мінулага розыгрышу.
Кожную сераду на працягу лета мы будзем вызначаць аднаго пераможцу і абвяшчаць новы конкурс. Пераможца першага розыгрышу будзе вызначаны ў наступную сераду.
Імя пераможцы паведамім 8 жніўня, а 14.00.