Лінкі ўнівэрсальнага доступу

Ужо сёньня. Гадавіны бітвы пад Лоевым, ССРБ, савецкіх «хрушчовак» і 210 гадоў Ігнату Дамейку


Памятная манэта ў гонар Ігната Дамейкі

Памятная манэта ў гонар Ігната Дамейкі

31 ліпеня. Бліц-агляд падзеяў і тэмаў у Беларусі, сьвеце, гісторыі.

НАДВОР'Е

Пасьля сьпёкі можа і ня дрэннае: пераменная воблачнасьць, магчымы дождж, 22–25 градусаў цяпла.

У БЕЛАРУСІ І СЬВЕЦЕ

Віцебск — на базе праваслаўнага летніку «Дружба» на беразе Бернскага возера пачынаецца 10-ты юбілейны праваслаўны моладзевы фэстываль «Адзігітрыя».

Парыж — адбудзецца сустрэча міністраў замежных справаў Францыі і Азэрбайджану, Лярана Фабіюса і Эльмара Мамед’ярава

Харкаў — пройдзе чарговае паседжаньне суду ў справе былой прэм’еркі Ўкраіны Юліі Цімашэнкі

ТАКСАМА Ў ГЭТЫ ДЗЕНЬ:

У 1649 годзе — пад Лоевам адбылася самая буйная бітва казацкай вайны часоў паўстаньня Багдана Хмяльніцкага. Урадавыя войскі Вялікага княства Літоўскага разьбілі 25-тысячнае казацкае войска на чале з Міхаілам Крычэўскім.

У 1920 годзе — пасьля вызваленьня Беларусі ад польскіх войскаў на сумесным пасяджэньні Менскага губрэўкому і ЦК КП (б) Літвы і Беларусі была прынятая «Дэклярацыя аб абвяшчэньні незалежнасьці Сацыялістычнай Савецкай Рэспублікі Беларусь». Усходняй мяжой ССРБ была прызнаная мяжа Менскай губэрні.

У 1944 годзе — у Беларусі пачалася маштабная апэрацыя НКВД з мэтаю ліквідацыі ў заходніх раёнах узброенага падпольля. Усяго за год было арыштавана амаль сто тысяч чалавек. Забіта пры супраціве 3200 змагароў з савецкаю ўладай.

У 1949 годзе — на першым кангрэсе беларусаў у ЗША створана арганізацыя «Беларуска-амэрыканскае Задзіночаньне».

У 1956 годзе выйшла пастанова ЦК КПСС пра разьвіцьцё жыльлёвага будаўніцтва ў СССР. Гэта значыць, што сёньня — дзень нараджэньня знакамітых «хрушчовак», якія істотна зьмянілі аблічча беларускіх гарадоў і самой краіны.

У гэты дзень нарадзіліся:

У 1527 годзе — Максымільян ІІ, імпэратар Сьвятой Рымскай імпэрыі

У 1802 годзе — удзельнік нацыянальна-вызвольнага руху Беларусі, славуты чылійскі навуковец Ігнат Дамейка, які паходзіў маёнтку Мядзьведка, Наваградзкага павету (цяпер Карэліцкі раён Гарадзенскай вобласьці).

У 1912 годзе — Мілтан Фрыдман, амэрыканскі эканаміст, нобэлеўскі ляўрэат 1976 году

У 1914 годзе — францускі кінаактор Люі Дэ Фюнэс

У 1965 годзе — ангельская пісьменьніца Джаан Роўлінг

У 1989 годзе — Вікторыя Азаранка, беларуская тэнісістка

У гэты дзень памерлі:

У 1556 годзе — Ігнацій Ляёла, заснавальнік Ордэну езуітаў

У 1784 годзе — Дэні Дзідро, францускі мысьляр і пісьменьнік
У 1849 годзе — Шандар Пэцёфі, вугорскі паэт

У 1886 годзе — Фэрэнц Ліст, вугорскі кампазытар

У 1944 годзе — францускі пісьменьнік Антуан дэ Сэнт-Экзюпэры

ЁСЬЦЬ НАГОДА

31 ліпеня — Дзень гандлёвых работнікаў у Беларусі.

«НОВЫ ДЗЕНЬ» — ЦЫТАТА НА ПАМЯЦЬ.

Юнак хоча жанчыну, жанчыну як такую; стары ж шукае жанчыну прыгожую. Калі нацыя валодае густам, значыць яна састарылася.

Дэні Дзідро

365 дзён таму на сайце Свабоды: дзень ў загалоўках

Руйнуюць былую турму на Кальварыйскай

«Досьвед маўклівых пратэстаў скарыстае гарачая восень»

Андрэй Саньнікаў у калёніі сустрэўся зь Мікітам Ліхавідам

Паказаць камэнтары

XS
SM
MD
LG