Лінкі ўнівэрсальнага доступу

Каралева, Джэймс Бонд і Пол Макартні на адкрыцьці Алімпіяды


Феерычная цырымонія адкрыцьця
Феерычная цырымонія адкрыцьця

У Лёндане адбылася ўрачыстая цырымонія адкрыцьця 30-х летніх Алімпійскіх гульняў. Маляўнічае шоў пад назвай «Выспа цудаў» у тэлетрансьляцыі глядзелі больш за мільярд чалавек. Прапануем вашае ўвазе фотагалерэю.

Пра гэта зь Лёндану паведаміла карэспандэнтка Радыё Свабода Наталя Галіцына.

Старт адкрыцьця лёнданскай Алімпіяды даў трохразовы алімпійскі чэмпіён па роварным спорце Брэдлі Ўігінс, які ўдарыў у шматтонны звон, усталяваны на арэне Алімпійскага стадыёна. Мастацкі дырэктар цырымоніі адкрыцьця Алімпіяды Дэні Бойл стварыў феерычнае відовішча, у якім эпізоды гісторыі Брытаніі перамяжоўваліся музычнымі, балетнымі і мультымэдыйнымі фрагмэнтамі.

Бурныя аплядысменты выклікала дэманстрацыя кліпу сустрэчы каралевы Лізаветы II і Дэніэля Крэйга ў ролі Джэймса Бонда. Шэсьце нацыянальных алімпійскіх камандаў па традыцыі ўзначаліла каманда Грэцыі.

Кіраўнік аргкамітэту Алімпіяды лёрд Коў і старшыня МАК Жак Роге выступілі з прамовамі.

Затым каралева Лізавета II абвясьціла 30-я Алімпійскія гульні адкрытымі. Завяршылася амаль чатырохгадзінная цырымонія адкрыцьця Алімпіяды маляўнічым фаервэркам і выступам Пола Макартні.





Удзел у шоў узяў таксама комік містэр Бін (Роўэн Аткінсан).

Сёньня адбудуцца першыя спаборніцтвы прадстаўнікоў настольнага тэнісу, плаваньня, роварнага спорту, веславаньня, коннага спорту, спартовай гімнастыкі, кулявой стральбы, бадмінтону.

У нядзелю футбольная алімпійская зборная згуляе з Бразіліяй, у першым матчы беларусы перамаглі Новую Зэляндыю 1:0.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG