НАДВОР’Е
Насоўваецца сьпёка, днём па краіне ад + 29 да +34. Месцамі кароткачасовыя дажджы.
У БЕЛАРУСІ І СЬВЕЦЕ
У Лёндане афіцыйна адкрываюцца ХХХ летнія Алімпійскія гульні. Беларусы ў Лёндане будуць спаборнічаць у 25 алімпійскіх дысцыплінах. Асаблівыя надзеі — на кідальна-штурхальныя віды ў лёгкай атлетыцы, веславаньне, гімнастыку, барацьбу, вэляспорт. Беларускі прэзыдэнт атрымаў акрэдытацыю для наведваньня Алімпіяды як кіраўнік НАК, але не атрымаў брытанскую візу як унесены ў чорны сьпіс неўязных у ЭЗ.
Пачнецца візыт у Расею міністра замежных спраў Японіі Каіхіра Гембы, ён плянуе сустрэцца ў Сочы з расейскім партнэрам Сяргеем Лаўровым, у тым ліку для абмеркаваньня тэрытарыяльных пытаньняў.
У Вялікіх і Малых Аўцюках Калінкавіцкага раёну адкрываецца фэстываль беларускага гумару.
ТАКСАМА Ў ГЭТЫ ДЗЕНЬ
1824 — пачалося будаўніцтва Аўгустоўскага каналу, які злучыў басэйны Нёману і Віслы.
1944 — ад нямецка-фашысцкіх захопнікаў вызвалены Беласток, які да вайны належаў Беларусі.
1990 — Вярхоўны Савет БССР прыняў дэклярацыю аб дзяржаўным сувэрэнітэце Беларускай ССР.
У ГЭТЫ ДЗЕНЬ НАРАДЗІЛІСЯ
1877 ― Уладзімер Перцаў, беларускі гісторык.
1899 — Станіслаў Ваўпшасаў, дзяяч НКВД, арганізатар дывэрсій і тэрактаў на тэрыторыі Беларусі падчас грамадзянскай і айчыннай вайны. Яго імя дагэтуль носіць адна з вуліц Менску.
1906 ― Ежы Гедройц, польскі публіцыст, выдавец і рэдактар польскага часопісу «Kultura» ў Парыжы.
У ГЭТЫ ДЗЕНЬ ПАМЕРЛІ
1697 — Дамінік Мікалай Радзівіл, дзяржаўны дзеяч ВКЛ, староста лідскі, ваўкавыскі, вярбілаўскі.
1903- Юльян Крачкоўскі, беларускі фальклярыст, этнограф, гісторык і педагог , аўтар «Нарысаў быту заходнерускага селяніна» (1869) — першага падрабязнага дасьледаваньня сямейных і каляндарна-аграрных абрадаў беларусаў і выхаваньня іх дзяцей.
1969 ― Яўхім Кіпель, беларускі пэдагог і актывіст дыяспары.
1984 — Зіновій Бабій, украінскі і беларускі сьпявак.
МІНУС 365
Акцыя маўчаньня ля Камароўкі: шмат міліцыянтаў і мала ўдзельнікаў
Сьведка зьбіцьця лекара: «Яго білі галавой аб сьцяну»
Міністэрства ўнутраных спраў апраўдваецца за здароўе Бандарэнкі
ЦЫТАТА НА ПАМЯЦЬ
Алімпізм уяўляе сабой філязофію жыцьця, якая ўзвышае і аб’ядноўвае ў збалянсаванае цэлае годнасьць цела, волі, розуму.
З Алімпійскай Хартыі.
