Паводле Эўрарадыё, яго, найверагодней, даставілі ў Ленінскае РУУС Менску.
Па тэлефоне дзяжурнай часткі Ленінскага РУУС «Свабодзе» адказалі, што Віталя Ругайна ні ў іх, ні ў гарадзскім аддзяленьні міліцыі Ленінскага раёну няма.
Журналіста зьняволілі ў ягоны дзень народзінаў — яму сёньня споўнілася 25 гадоў.
Раней, 24 ліпеня, Віталя Ругайна затрымалі былі на мяжы, калі ён вяртаўся зь Вільні. Яго пратрымалі на памежным пераходзе тры гадзіны, правялі асабісты агляд з распрананьнем і складаньнем пратаколу, забралі кампутар і дакумэнты, але празь некаторы час іх вярнулі і адпусьцілі журналіста без аніякіх тлумачэньняў.
Віталь Ругайн вярнуўся ў Беларусь пасьля таго, як у чэрвені тэрмінова быў вымушаны зьехаць, калі затрымалі і зьняволілі на 15 сутак ягонага калегу, журналіста Эўрарадыё Паўла Сьвярдлова. Разам яны зрабілі рэпартаж зь менскага мэтро пра неналежную ахову мэтрапалітэну. Віталь Ругайн мяркуе, што менавіта з гэтымі падзеямі і зьвязаная асаблівая пільнасьць да ягонай асобы з боку беларускіх спэцслужбаў.
Па тэлефоне дзяжурнай часткі Ленінскага РУУС «Свабодзе» адказалі, што Віталя Ругайна ні ў іх, ні ў гарадзскім аддзяленьні міліцыі Ленінскага раёну няма.
Журналіста зьняволілі ў ягоны дзень народзінаў — яму сёньня споўнілася 25 гадоў.
Раней, 24 ліпеня, Віталя Ругайна затрымалі былі на мяжы, калі ён вяртаўся зь Вільні. Яго пратрымалі на памежным пераходзе тры гадзіны, правялі асабісты агляд з распрананьнем і складаньнем пратаколу, забралі кампутар і дакумэнты, але празь некаторы час іх вярнулі і адпусьцілі журналіста без аніякіх тлумачэньняў.
Віталь Ругайн вярнуўся ў Беларусь пасьля таго, як у чэрвені тэрмінова быў вымушаны зьехаць, калі затрымалі і зьняволілі на 15 сутак ягонага калегу, журналіста Эўрарадыё Паўла Сьвярдлова. Разам яны зрабілі рэпартаж зь менскага мэтро пра неналежную ахову мэтрапалітэну. Віталь Ругайн мяркуе, што менавіта з гэтымі падзеямі і зьвязаная асаблівая пільнасьць да ягонай асобы з боку беларускіх спэцслужбаў.
