Лінкі ўнівэрсальнага доступу

Старшыня Цэнтравыбаркаму Беларусі Лідзія Ярмошына сёньня падчас сустрэчы з кіраўніком місіі назіральнікаў ад СНД Сяргеем Лебедзевым заявіла пра факты арганізацыі правакацыяў падчас сёлетняй выбарчай кампаніі.

«Маюць месца спробы правядзеньня правакацыяў, спробы ўдзелу ў кампаніі асобаў, якія ня толькі асуджаныя, але і знаходзяцца ў месцах зьняволеньня альбо на ўцёках», - сказала Ярмошына.

«Звычайнае крымінальнае пытаньне спрабуюць вывесьці на рэспубліканскі ровень», — адзначыла спадарыня Ярмошына, маючы на ўвазе падачу заявак на рэгістрацыю ініцыятыўных групаў былога кандыдата ў прэзыдэнты, а цяпер палітвязьня Міколы Статкевіча.

Былы палітвязень Сяргей Скрабец, генэральны сакратар БСДП (Народная грамада) — партыі, якую ачольвае Мікола Статкевіч, не пагаджаецца са старшынёй Цэнтравыбаркаму Лідзіяй Ярмошынай. «Тое, што робіць Мікола, — гэта не правакацыя, а вельмі ўдалы палітычны ход», — сказаў ён «Свабодзе»:

«Статкевіч сказаў гэтым, што трэба змагацца, а не сядзець склаўшы рукі. Выбарчая кампанія ў Беларусі прыцягвае да сябе ўвагу шмат дзе ў сьвеце. Прыцягвае ўвагу да таго, што ў краіне ёсьць палітвязьні, што іх катуюць. І да таго, што ў Беларусі ёсьць праблемы ня толькі з выбарамі, а наагул і з правамі чалавека, і з дэмакратыяй, і са свабодай слова, і г.д.

Пра гэта трэба гаварыць. І трэба змагацца за свае правы. Бо ніхто іншы за нас гэтую справу рабіць ня будзе».

Паказаць камэнтары

XS
SM
MD
LG