Расея: прэзыдэнт падпісаў закон аб «замежных агентах»

Прэзыдэнт Расеі Ўладзімір Пуцін падпісаў закон аб недзяржаўных арганізацыях, прыняты раней Дзярждумай і ўхвалены Саветам Фэдэрацыі.

З гэтага моманту, НДА, якія фінансуюцца з-за мяжы і займаюцца палітыкай, атрымліваюць статус "замежнага агента". Для іх прадугледжаная адмысловая справаздачнасьць і адказнасьць. Праваабаронцы называюць закон «рэпрэсіўным».

Днямі ў Дзярждуму быў унесены законапраект, які ўводзіць аналягічныя захады ў дачыненьні да СМІ, якія атрымліваюць замежнае фінансаваньне.