Лінкі ўнівэрсальнага доступу

Удзельніцы панк-гурту Pussy Riot пакінутыя пад арыштам да 12 студзеня наступнага году. Рашэньне прынятае Хамоўніцкім судом Масквы па выніках папярэдніх слуханьняў справы, якія адбыліся сёньня.

Дата пачатку слуханьняў па сутнасьці пакуль ня вызначаная, – яе павінны назваць 23 ліпеня, калі судзьдзя абвесьціць рашэньне па заяўленых сёньня хадайніцтвах.

Тры дзяўчыны гурту Pussy Riot – Марыя Алёхіна, Надзея Талаконьнікава і Кацярына Самуцэвіч – былі арыштаваныя пасьля таго, як у лютым наладзілі ў храме Хрыста Збавіцеля так званы «панк-малебен» «Багародзіца, Пуціна прагані». Удзельніц Pussy Riot абвінавачваюць у хуліганстве.

Падчас слуханьняў каля суду знаходзіліся прыхільнікі і праціўнікі падсудных. Былі затрыманьні. Сайт Радыё Свабода вёў прамую відэатрансьляцыю з будынка суду.

Паказаць камэнтары

XS
SM
MD
LG