У Ізраілі хаваюць ахвяраў тэракту

У чацьвер баўгарскія ўлады распаўсюдзілі відэазапіс з падазраваным у нападзе. На ёй бачны малады мужчына з доўгімі валасамі ў сонцаахоўных акулярах, які шпацыруе ў аэрапорце Бургас з заплечнікам за спінай.

У баўгарскіх СМІ учора зьявіліся паведамленьні, што аўтобус падарваў Мэхдзі Гезалі – джыхадыст альжырска-швэдзкага паходжаньня, які правёў два гады ў турме Гуантанама.

Афіцыйная Сафія пакуль не камэнтуе гэтай інфармацыі.

Ізраільскі ўрад абвінаваціў у арганізацыі тэракту Іран і зьвязаную зь ім лібанскую групоўку «Хізбала». Але яны адмаўляюць сваю датычнасьць да выбуху.