На лесьвіцы Новага каралеўскага замка ў Горадні цяпер можна на хвіліну ўявіць сябе апошнім каралём Станіславам Аўгустам Панятоўскім. Варта толькі ўставіць галаву ў авал карціны, адкуль каралеўскі твар выразаны, і зрабіць здымак. Каштуе гэта ўсяго дзьве тысячы рублёў.
Жанчыны могуць стаць на хвіліну цароўнай асобай. Подпісу няма, але пазнаецца імпэратрыца Кацярына ІІ. Цана тая ж — дзьве тысячы. Лічыцца гістарычна даказаным, што Станіслаў Аўгуст Панятоўскі, калі яго выправілі ў Санкт-Пецярбург амбасадарам Рэчы Паспалітай, стаў каханкам будучай імпэратрыцы.
Пазьней Кацярына ІІ адыграла вялізную ролю ў скасаваньні Рэчы Паспалітай. Панятоўскі адрокся ад каралеўскага пасаду ў Новым замку ў Горадні. Тут ён і заставаўся пад хатнім арыштам да вымушанага ад’езду ў Санкт-Пецярбург, дзе пазьней памёр.
У шаце імпэратрыцы
На порціку каралеўскага палаца – па-ранейшаму серп з молатам у гербе неіснуючага СССР: у савецкі час у будынку месьціўся абкам КПБ
