Лінкі ўнівэрсальнага доступу

Неўязная Ярмошына атрымала візу ў амбасадзе Аўстрыі ў Маскве


Лідзія Ярмошына

Гэта пацьвердзіў прэс-сакратар амбасады Робэрт Хершнэр.

Паводле ягоных слоў, ён не валодае інфармацыяй наконт таго, ці зьвяртаўся і ці атрымліваў візу сакратар ЦВК РБ Мікалай Лазавік.

Яшчэ ўчора супрацоўнікі амбасадаў адмаўляліся даваць інфармацыю пра тое, хто выдаў візу старшыні ЦВК Лідзіі Ярмошынай, якая знаходзіцца ў сьпісе неўязных Эўразьвязу.

Старшыня Цэнтравыбаркаму Беларусі Лідзія Ярмошына бярэ ўдзел у нарадзе АБСЭ «Дэмакратычныя выбары і назіраньне за іх правядзеньнем», якая праходзіць у Вене.

***

Тым часам, у пасольстве Аўстрыі ў Варшаве адбылася сустрэча прадстаўнікоў беларускіх арганізацый з намесьнікам амбасадара Стэлай Авалонэ.

Беларусы выказалі сваю занепакоенасьць фактам выдачы віз старшыні ЦВК Беларусі Лідзіі Ярмошынай і яе намесьніку Мікалаю Лазавіку з мэтай ўдзелу ў сэмінары АБСЭ, які праходзіць ў Вене.

Адзін з удзельнікаў сустрэчы Павел Усаў адзначыў:

«Выглядае больш чым дзіўным той факт, што АБСЭ, арганізацыя, якая неаднаразова заяўляла аб парушэньнях правоў чалавека ў Беларусі, а таксама адмаўлялася прызнаваць вынікі мінулых прэзыдэнцкіх і парлямэнцкіх выбараў, згаджаецца з прысутнасьцю на канфэрэнцыі чалавека, які неаднаразова абвінавачваўся ў фальсыфікацыях. Відавочна, эўрапейцы фармальна ставяцца да ўласных патрабаваньняў і палітычных каштоўнасьцяў.»

Спадарыня Авалонэ запэўніла, што прычыны, паводле якіх былі выдадзеныя візы гэтым пэрсонам, будуць высьвятляцца.

Пра гэта паведамілі члена арганізацыі «Беларуская Нацыянальная Памяць».

Ваша меркаваньне

Паказаць камэнтары

XS
SM
MD
LG