Плата за «памыўку» — чытаньне напамяць вершаў Янкі Купалы, Якуба Коласа або Максіма Танка.
«Ты добра адарваўся на канцэрце, але пот і адсутнасьць гарачай вады перашкаджаюць табе жыць? Ты плённа правеў час у спартзалі, удасканальваючы сваё цела, і ня маеш моцы грэць ваду на газе? Ты ўдарна адпрацаваў на заводзе тры нормы, але пэрспэктыва бульканьня ў начоўках цябе ня радуе? То ў нас для цябе ёсьць прапанова!Зь цябе адзін верш напамяць ад клясыкаў беларускай літаратуры! З нас — душ з гарачай вадой!» — так гучыць прапанова ў суполцы Вконтакте Наваполацкага ТБМ.
Сябры апавядаюць, што прапанова гэтая ў хлопца — гаспадара новай кватэры ў Наваполацку, сасьпела яшчэ летась. Сёлета, калі сьпёка ў апошнія дні стала дужа адчувальнай, ён наважыўся выкласьці запрашэньне ў сеціве. Першапачаткова за гарачы душ меркавалася «браць» па тры вершы беларускіх клясыкаў, аднак цяпер «кошты зьніжаныя» да аднаго.
Пакуль што землякі не сьпяшаюцца скарыстаюцца гасьціннай прапановай. Хаця гаспадар прапануе яшчэ й кубак гарбаты пасьля душу, і невялікі сувэнір на памяць.
«Ты добра адарваўся на канцэрце, але пот і адсутнасьць гарачай вады перашкаджаюць табе жыць? Ты плённа правеў час у спартзалі, удасканальваючы сваё цела, і ня маеш моцы грэць ваду на газе? Ты ўдарна адпрацаваў на заводзе тры нормы, але пэрспэктыва бульканьня ў начоўках цябе ня радуе? То ў нас для цябе ёсьць прапанова!Зь цябе адзін верш напамяць ад клясыкаў беларускай літаратуры! З нас — душ з гарачай вадой!» — так гучыць прапанова ў суполцы Вконтакте Наваполацкага ТБМ.
Сябры апавядаюць, што прапанова гэтая ў хлопца — гаспадара новай кватэры ў Наваполацку, сасьпела яшчэ летась. Сёлета, калі сьпёка ў апошнія дні стала дужа адчувальнай, ён наважыўся выкласьці запрашэньне ў сеціве. Першапачаткова за гарачы душ меркавалася «браць» па тры вершы беларускіх клясыкаў, аднак цяпер «кошты зьніжаныя» да аднаго.
Пакуль што землякі не сьпяшаюцца скарыстаюцца гасьціннай прапановай. Хаця гаспадар прапануе яшчэ й кубак гарбаты пасьля душу, і невялікі сувэнір на памяць.