Лінкі ўнівэрсальнага доступу

Праціўнікі прыезду Ярмошынай ў Вену перадалі ёй улётку і зладзілі вулічную выставу палітычных малюнкаў. 12 ліпеня старшыня Цэнтравыбаркаму Лідзія Ярмошына прыбыла ў Вену, каб прыняць удзел у канфэрэнцыі АБСЭ «Дэмакратычныя выбары і назіраньне за імі».

Мастачка Марына Напрушкіна, якая зладзіла перад будынкам АБСЭ ў Вене акцыю супраць прыезду Ярмошынай, распавяла Эўрарадыё пра сустрэчу са старшынёй ЦВК.

Напрушкіна: «Мы стаім у дзьвюх кропках, раздаем перад уваходам у будынак АБСЭ улёткі. Лідзія Ярмошына прайшла, прапланіравала з высока паднятай галавой, узяла улётку, на якой яна сама была намаляваная. І сказала: „Вось як выглядае слава“. І задаволеная ўвайшла ў будынак».

13 ліпеня адбудзецца другі дзень канфэрэнцыі «Дэмакратычныя выбары і назіраньне за імі». Праціўнікі зьяўленьня Ярмошынай у Эўропе будуць суправаджаць яго вулічнай выставай з палітычных коміксаў.

Паказаць камэнтары

XS
SM
MD
LG