Карняенка зьбіраўся вылецець у Вену на сэмінар АБСЭ па пытаньнях выбараў. На нарадзе зьбіраецца прысутнічаць старшыня Цэнтравыбаркаму Лідзія Ярмошына.
У аэрапорце «Менска-2» яму паведамілі, што ён невыязны і паставілі ў пашпарт адпаведную пячатку.
«Мне нічога не патлумачылі. Я атрымаў пасадачны талён, усё прайшоў. А на пашпартным кантролі памежнікі мне сказалі, што ёсьць забарона на мой выезд. І тлумачэньняў больш не было. Я нават сфатаграфаваў: побач мой пасадачны талён і штамп „У выезьдзе адмоўлена“, усё добра бачна», — заявіў Карняенка карэспандэнту Свабоды. - Я зьбіраўся ў Вену на гэтую канфэрэнцыю, якая там адбываецца цягам двух дзён і ў якім бярэ ўдзел старшыня ЦВК Лідзія Ярмошына. На гэтае мерапрыемства ў мяне таксама было запрашэньне, якое мне ўчора даслалі, каб я сёньня раніцай мог прыляцець і ўзяць удзел у другім працоўным дні. Але гэтага, відаць, не захацелі беларускія ўлады».
Як ставіцца Карняенка да ўдзелу Ярмошынай у гэтым сэмінары ў Вене?
"Неабачліва паступілі тыя палітыкі, якія лічаць, што яшчэ ёсьць нейкія спадзяваньні на тое, што гэта каманда, якая робіць выбары ў Беларусі, можа наблізіцца да дэмакратычных стандартаў у галіне іх правядзеньня. Гэта марныя спадзяваньні. І таму лічу гэта памылкай".
11 ліпеня ў доме сустаршыні кампаніі «За справядлівыя выбары» Віктара Карняенкі ў Фаніпалі прайшоў ператрус паводле санкцыі пракурора.
Карняенкі канфіскавалі наклад бюлетэняў «За справядлівыя выбары».
10 сакавіка беларускія памежнікі ня выпусьцілі з краіны каардынатара кампаніі «За свабодныя выбары» Віктара Карняенку і старшыню партыі «Справядлівы сьвет» Сяргея Калякіна. Палітыкі накіроўваліся ў Літву.
Пра забарону на выезд зь Беларусі Карняенку і Калякіну паведамілі на памежным пункце «Каменны Лог» беларуска-літоўскай мяжы.
Два дзясяткі невыязных
У сакавіку, гаворачы пра сьпіс невыязных, Аляксандар Лукашэнка заявіў: «А мы зрабілі. І то мы яго яшчэ не ўвялі. На поўную моц яшчэ не ўвялі. Але ўвядзем».
Пасьля гэтага за мяжу ў розны час не змаглі выехаць два дзясяткі палітыкаў, грамадзкіх дзеячаў і журналістаў.
Сярод іх:
22 чэрвеня суд Маскоўскага раёну Менску загадаў Міністэрству ўнутраных спраў выбачыцца перад праваабаронцам Гары Паганяйлам за «памылковае» ўключэньне яго ў сьпіс невыязных.
Скарга дырэктара інфармацыйна-асьветніцкай установы «Плятформа» Андрэя Бандарэнкі на ўключэньне яго ў сьпіс невыязных будзе разглядацца ў судзе Цэнтральнага раёну Менску 16 ліпеня.
А 17-га суд разгледзіць аналягічныя скаргі праваабаронца Валянціна Стэфановіча і кіраўніка АГП Анатоля Лябедзькі.
Указам ад 4 ліпеня Аляксандар Лукашэнка даў КДБ права не пускаць за мяжу беларусаў, якія знаходзяцца на прафіляктычным уліку ў ворганах дзяржбясьпекі.
У аэрапорце «Менска-2» яму паведамілі, што ён невыязны і паставілі ў пашпарт адпаведную пячатку.
«Мне нічога не патлумачылі. Я атрымаў пасадачны талён, усё прайшоў. А на пашпартным кантролі памежнікі мне сказалі, што ёсьць забарона на мой выезд. І тлумачэньняў больш не было. Я нават сфатаграфаваў: побач мой пасадачны талён і штамп „У выезьдзе адмоўлена“, усё добра бачна», — заявіў Карняенка карэспандэнту Свабоды. - Я зьбіраўся ў Вену на гэтую канфэрэнцыю, якая там адбываецца цягам двух дзён і ў якім бярэ ўдзел старшыня ЦВК Лідзія Ярмошына. На гэтае мерапрыемства ў мяне таксама было запрашэньне, якое мне ўчора даслалі, каб я сёньня раніцай мог прыляцець і ўзяць удзел у другім працоўным дні. Але гэтага, відаць, не захацелі беларускія ўлады».
Як ставіцца Карняенка да ўдзелу Ярмошынай у гэтым сэмінары ў Вене?
"Неабачліва паступілі тыя палітыкі, якія лічаць, што яшчэ ёсьць нейкія спадзяваньні на тое, што гэта каманда, якая робіць выбары ў Беларусі, можа наблізіцца да дэмакратычных стандартаў у галіне іх правядзеньня. Гэта марныя спадзяваньні. І таму лічу гэта памылкай".
11 ліпеня ў доме сустаршыні кампаніі «За справядлівыя выбары» Віктара Карняенкі ў Фаніпалі прайшоў ператрус паводле санкцыі пракурора.
Карняенкі канфіскавалі наклад бюлетэняў «За справядлівыя выбары».
10 сакавіка беларускія памежнікі ня выпусьцілі з краіны каардынатара кампаніі «За свабодныя выбары» Віктара Карняенку і старшыню партыі «Справядлівы сьвет» Сяргея Калякіна. Палітыкі накіроўваліся ў Літву.
Пра забарону на выезд зь Беларусі Карняенку і Калякіну паведамілі на памежным пункце «Каменны Лог» беларуска-літоўскай мяжы.
Два дзясяткі невыязных
У сакавіку, гаворачы пра сьпіс невыязных, Аляксандар Лукашэнка заявіў: «А мы зрабілі. І то мы яго яшчэ не ўвялі. На поўную моц яшчэ не ўвялі. Але ўвядзем».
Пасьля гэтага за мяжу ў розны час не змаглі выехаць два дзясяткі палітыкаў, грамадзкіх дзеячаў і журналістаў.
Сярод іх:
- рэдактар тыднёвіка «Наша Ніва» Андрэй Дынько
- старшыня грамадзкага аб’яднаньня «Беларуская асацыяцыя журналістаў» Жана Літвіна
- старшыня «Беларускага Хэльсынскага камітэту» Алег Гулак
- праваабаронца Валянцін Стэфановіч
- старшыня Аб’яднанай грамадзянскай партыі Анатоль Лябедзька
- старшыня Беларускай партыі левых «Справядлівы сьвет» Сяргей Калякін
- ягоны намесьнік Валеры Ўхналёў
- намесьнік кіраўніка руху «За свабоду» Віктар Карняенка
- старшыня партыі «Беларуская сацыял-дэмакратычная Грамада» Станіслаў Шушкевіч
- палітык Вінцук Вячорка
- сябра аргкамітэту партыі «Беларускі рух» Віктар Івашкевіч
22 чэрвеня суд Маскоўскага раёну Менску загадаў Міністэрству ўнутраных спраў выбачыцца перад праваабаронцам Гары Паганяйлам за «памылковае» ўключэньне яго ў сьпіс невыязных.
Скарга дырэктара інфармацыйна-асьветніцкай установы «Плятформа» Андрэя Бандарэнкі на ўключэньне яго ў сьпіс невыязных будзе разглядацца ў судзе Цэнтральнага раёну Менску 16 ліпеня.
А 17-га суд разгледзіць аналягічныя скаргі праваабаронца Валянціна Стэфановіча і кіраўніка АГП Анатоля Лябедзькі.
Указам ад 4 ліпеня Аляксандар Лукашэнка даў КДБ права не пускаць за мяжу беларусаў, якія знаходзяцца на прафіляктычным уліку ў ворганах дзяржбясьпекі.
