Лінкі ўнівэрсальнага доступу

Ужо сёньня: вынікі фармаваньня камісій, дзень чакаляды


Бліц-агляд падзеяў і тэмаў у Беларусі, сьвеце, гісторыі.


НАДВОР’Е:

Па ўсёй краіне сонечна, без ападкаў, тэмпэратура +22-+26

У Беларусі і ў сьвеце

Менск, у офісе праваабарончага цэнтру «Вясна» (пр. Незалежнасьці, 78а-48) адбудзецца прэсавая канфэрэнцыя актывістаў кампаніі «Праваабаронцы за свабодныя выбары» па выніках фармаваньня акруговых выбарчых камісій. Пачатак у 10.00.

Менск, у Доме ўраду адбудзецца прэсавая канфэрэнцыя, прысьвечаная рэзалюцыі Парлямэнцкай асамблеі АБСЭ па Беларусі, прынятай на штогадовай сэсіі гэтай арганізацыі ў Манака. Пачатак у 10.00.

Менск, у нацыянальным прэсавым цэнтры — прэсавая канфэрэнцыя прадстаўнікоў Цэнтральнай выбарчай камісіі наконт вынікаў фармаваньня акруговых выбарчых камісій. Пачатак у 11.00.

Менск, у Беларусь прыбудзе новы пасол Вялікабрытаніі Брус Бакнелл.

Масква, візыт прадстаўнікоў сірыйскай апазыцыі ў Расею


Паважаныя наведнікі сайту! Дапамажыце больш поўна прадставіць беларускі дзень — дашліце інфармацыю пра плянаваныя падзеі, якія будуць цікавыя нашым чытачам, на адрас svaboda@rferl.org.

ТАКСАМА Ў ГЭТЫ ДЗЕНЬ:

1496: Гародня атрымала поўнае магдэбурскае права.

1613: Каранацыя Міхаіла Фёдаравіча, першага цара маскоўскага з дынастыі Раманавых.

1660: Войска Міхаіла Казіміра Паца прыступам вызваліла Вільню ад маскоўскага войска.

1705: У Сафійскім саборы ў Полацку маскоўскі цар Пётр І забіў 5 манахаў-базыльянаў.

1995: Выхад першага нумару газэты «Народная воля».

1995: Забойства 8000 басьнійскіх мусульман — мужчын і хлопчыкаў — салдатамі войска басьнійскіх сэрбаў у паселішчы Срэбраніца.

2007: Ватыкан выступіў з заявай, у якой Рымскі прастол названы адзіным нашчадкам першапачатковай царквы, заснаванай Ісусам Хрыстом.

У гэты дзень нарадзіліся:

1932: Анатоль Анікейчык, беларускі скульптар, пэдагог, народны мастак Беларусі

У гэты дзень памерлі:

969: Вольга, княгіня Кіеўская

Ёсьць нагода

Сусьветны дзень народанасельніцтва

Сусьветны дзень чакаляды

ЦЫТАТА НА ПАМЯЦЬ:

Мы кожны дзень на парахавой бочцы. Хто нам можа адказаць, што будзе заўтра-пасьлязаўтра? З газэтай, з кожным з нас, з нашымі чытачамі? І тым ня менш, мы працуем. Працуем насуперак здароваму сэнсу.

Іосіф Сярэдзіч, рэдактар газэты «Народная воля»

ГОД ТАМУ Ў ЗАГАЛОЎКАХ НА САЙЦЕ «СВАБОДЫ»:

Пляцоўка Астравецкай АЭС знаходзіцца на тэктанічным разломе

Колькі засталося Лукашэнку?

Мікіта Ліхавід зноў у карцэры. Яшчэ на 20 сутак

Міхал Карневіч. Як мяне затрымлівалі і судзілі

Афіцыйныя СМІ замоўчваюць «маўклівыя акцыі»
XS
SM
MD
LG