Дэпутаты сабраліся на пасяджэньне, нягледзячы на тое, што Канстытуцыйны суд у панядзелак пацьвердзіў сваё рашэньне аб нелегітымнасьці выбараў у парлямэнт — на падставе гэтага вэрдыкту Вышэйшая ваенная рада ў чэрвені распусьціла парлямэнт і часова ўсклала на сябе заканадаўчыя паўнамоцтвы.
Указ аб аднаўленьні паўнамоцтваў парлямэнту падпісаў у нядзелю новаабраны прэзыдэнт Мухамэд Мурсі. Ён быў вылучаны рухам «Браты-мусульмане», які мае найбуйнейшую фракцыю ў парлямэнце.
Сёньняшняя сэсія працягвалася некалькі хвілінаў, яе хада трансьлявалася па эгіпецкім тэлебачаньні ў прамым эфіры. Парлямэнтары ўхвалілі зварот да апэляцыйнага суду па тлумачэньне наконт рашэньня Канстытуцыйнага суду аб роспуску парлямэнту.
У цэнтры Каіру зьбіраюцца прыхільнікі прэзыдэнта і парлямэнцкай большасьці.
Дзяржсакратар ЗША Гілары Клінтан выказала занепакоенасьць у сувязі з ростам напружанасьці ў Эгіпце і заклікала абодва бакі — прэзыдэнта і Вышэйшую ваенную раду — да супрацоўніцтва і пераадоленьня супярэчнасьцяў. Клінтан павінна наведаць Эгіпет з візытам у бліжэйшыя выходныя.
Указ аб аднаўленьні паўнамоцтваў парлямэнту падпісаў у нядзелю новаабраны прэзыдэнт Мухамэд Мурсі. Ён быў вылучаны рухам «Браты-мусульмане», які мае найбуйнейшую фракцыю ў парлямэнце.
Сёньняшняя сэсія працягвалася некалькі хвілінаў, яе хада трансьлявалася па эгіпецкім тэлебачаньні ў прамым эфіры. Парлямэнтары ўхвалілі зварот да апэляцыйнага суду па тлумачэньне наконт рашэньня Канстытуцыйнага суду аб роспуску парлямэнту.
У цэнтры Каіру зьбіраюцца прыхільнікі прэзыдэнта і парлямэнцкай большасьці.
Дзяржсакратар ЗША Гілары Клінтан выказала занепакоенасьць у сувязі з ростам напружанасьці ў Эгіпце і заклікала абодва бакі — прэзыдэнта і Вышэйшую ваенную раду — да супрацоўніцтва і пераадоленьня супярэчнасьцяў. Клінтан павінна наведаць Эгіпет з візытам у бліжэйшыя выходныя.
