Лінкі ўнівэрсальнага доступу

logo-print

У Крымску — паніка праз паведамленьні аб пагрозе новай паводкі


Так выглядае Крымск пасьля паводкі

Так выглядае Крымск пасьля паводкі

У горадзе Крымск Краснадарскага краю, найбольш моцна пацярпелым ад паводкі ў мінулыя выходныя, узьнікла паніка пасьля паведамленьняў аб магчымым разбурэньні дамбы і пагрозы новага затапленьня.

Як перадае карэспандэнт Радыё Свабода, тысячы людзей накіраваліся ў раёны горада, якія знаходзяцца на ўзвышшы.

МНС Расіі абвяргае гэтыя паведамленьні, называючы іх правакацыямі, і просіць захоўваць спакой.

Губэрнатар Краснадарскага краю Аляксандр Ткачоў сёньня адхіліў ад пасады кіраўніка Крымскага раёну Васіля Круцько і рэзка скрытыкаваў арганізацыю працаў па ліквідацыі наступстваў паводкі.

Паводле апошніх дадзеных, у выніку стыхійнага бедзтва загінулі больш за 170 чалавек, пацярпелі больш 35 тысячаў жыхароў. Па папярэдніх дадзеных, шкода ад паводкі толькі ў Крымску склала мільярд расейскіх рублёў (каля 35 мільёнаў даляраў).

У Расеі сёньня аб’яўленая агульнанацыянальная жалоба па загінулых.

XS
SM
MD
LG