Лінкі ўнівэрсальнага доступу

МЗС пра рэзалюцыю Эўрапарлямэнту: «аднабокая і тэндэнцыйная»


Андрэй Савіных

Андрэй Савіных

«Зьяўленьне рэзалюцыі Эўрапарлямэнту напярэдадні важнай унутрыпалітычнай падзеі — парлямэнцкіх выбараў у Беларусі — нельга расцэньваць інакш, як адкрыты палітычны заказ тых сіл у Эўропе, якія не зацікаўленыя ў выбудоўваньні добрасуседзкіх стасункаў зь Беларусьсю», — гаворыцца ў камэнтарыі прэс-службы Міністэрства замежных спраў Беларусі адносна рэзалюцыі Эўрапарлямэнту ад 5 ліпеня.


МЗС Беларусі называе гэтую рэзалюцыю «аднабокай і тэндэнцыйнай».

«Чарговыя заклікі да ўвядзеньня санкцыяў супраць нашай краіны, пры тым, што санкцыйная палітыка даўно прадэманстравала сваю неэфэктыўнасьць і тупіковасьць, толькі ўскладняюць узаемны пошук шляхоў нармалізацыі беларуска-эўрапейскага дыялёгу».

«Нягледзячы на падобныя неканструктыўныя падыходы Эўрапарлямэнту, Беларусь пацьвярджае зацікаўленасьць у разьвіцьці ўзаемавыгадных партнэрскіх адносін з ЭЗ і яго краінамі-сябрамі на агульнапрызнаных у міждзяржаўных адносінах прынцыпах раўнапраўя і ўзаемнай павагі», — адзначаецца ў заяве.

Напярэдадні Эўрапарлямэнт прыняў рэзалюцыю, у якой асуджае парушэньні правоў чалавека ў Беларусі.
XS
SM
MD
LG