Лінкі ўнівэрсальнага доступу

logo-print

Лойка: Па кнізе Дубаўца нашчадкі будуць вывучаць гісторыю


Гэнік Лойка Аўтар: Арцём Канцавы

Гэнік Лойка Аўтар: Арцём Канцавы

У Менску 5 і 6 ліпеня пройдуць прэзэнтацыі новай кнігі Бібліятэкі Свабоды «Майстроўня. Гісторыя аднаго цуду» — пра першае публічнае аб’яднаньне моладзі новага часу (1980).

Сваё меркаваньне пра новае выданьне выказвае адзін з герояў кнігі Гэнік Лойка:

«Атрымалася цудоўная кніга. Дастаткова фотаматэрыялаў, яны добра пададзеныя. І пра нашу суполку, і нашу пераемнасьць, і нашых старэйшых паплечнікаў, як Алеся Марачкіна, Міколу Купаву, Зянона Пазьняка і іншых. Ёсьць нават вельмі прыгожы здымак, дзе „Майстроўня“ і старэйшае пакаленьне адраджэнцаў.

Роля гэтай кнігі вельмі значная, бо зь цягам часу яна стане дакумэнтам, паводле якога нашы нашчадкі будуць вывучаць гісторыю. „Майстроўня“ хоць і маленькая, хоць, магчыма, і незаўважная для кагосьці была ў свой час, але яна зрабіла вельмі важную справу. Сёньня ў краіне беларуская мова — дзяржаўная. Гэта таксама заслуга і нашай „Майстроўні“».
XS
SM
MD
LG