Лінкі ўнівэрсальнага доступу

Затрымалі актывіста абароны Ўручча

абноўлена

Леанід Мажальскі пра сваё затрыманьне
пачакайце

No media source currently available

0:00 0:01:29 0:00

Леанід Мажальскі пра сваё затрыманьне

Леанід Мажальскі з жонкай былі дастаўлены ў гарадзкі аддзел міліцыі Першамайскага раёну.

17:15 Намесьніца старшыні раённага суду Алена Ананіч прызначыла суд над Леанідам Мажальскім на 17 ліпеня.

Леаніду Мажальскаму выставілі тры абвінавачаньні. Першае — за тое, што ён 4 ліпеня разам зь іншымі жыхарамі перашкаджаў правядзеньню будаўнічых прац. Другое — што ўвечары таго ж дня арганізаваў быццам бы незаконны сход жыхароў Уручча, дзе людзі казалі пра дзяжурствы каля будаўнічай пляцоўкі. Трэцяе — за абразу супрацоўніка будаўнічай арганізацыі.

Мажальскі: «Гэтая справа, мусіць, была сфабрыкаваная яшчэ раней. Яны ня ведалі, як мяне адусунуць ад пратэстаў супраць ушчыльненьня. Думаю, яны доўга рыхтаваліся, бо ня ведалі, як усё аформіць дакумэнтальна».

16:40 Леаніда Мажальскага павезьлі ў суд Першамайскага раёну Менску.

14:50 Зь лякарні Мажальскага зноў павезьлі ў аддзяленьне міліцыі

12:30 Зь міліцыі Леаніда Мажальскага прывезлі ў шпіталь.

Яшчэ на месцы будаўнічых работ, ва Уруччы, яму стала блага, аднак міліцыя не дачакалася хуткай дапамогі і адвезла яго ў аддзяленьне.

У Леаніда Мажальскага раптоўна падняўся ціск. Цяпер яго абсьледуюць у шпіталі пад наглядам міліцыі. Пра гэта Радыё Свабода расказала жонка актывіста, якая знаходзіцца побач з ім.

На Леаніда Мажальскага склалі пратакол. Яго вінаваціць ў тым, што той перашкаджаў будаўнічым работам і супраціўляўся міліцыі.

Раніцай 5 ліпеня жыхары Ўручча назіралі за будаўнікамі, якія ўсталёўвалі агароджу і іншы рыштунак. Прыехала міліцыя. Леаніда Мажальскага з жонкай затрымалі і завезьлі ў аддзел.

4 ліпеня ў зялёнай зоне ва Ўруччы пачалі агароджваць будаўнічую пляцоўку пад будучы дом для супрацоўнікаў спэцназу міліцыі. Чыноўнікі зацьвердзілі будаўніцтва гэтага дома насуперак пазыцыі мясцовых жыхароў.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG