Лінкі ўнівэрсальнага доступу

logo-print

Беларусь будзе будаваць у Вэнэсуэле касьмічную базу для запуску штучных спадарожнікаў, заявіў амбасадар Вэнэсуэлы ў Беларусі Амэрыка Дыяс Нуньес.

«Беларусь будзе ўдзельнічаць у будаўніцтве касьмічнай базы ў штаце Арагуа ў Вэнэсуэле. Будаўніцтва гэтай базы заплянаванае не для запуску ядзерных ракетаў, а для запуску навукова-дасьледчых спадарожнікаў», — заявіў дыплямат 4 ліпеня ў Менску.

«Цяпер спадарожнікі вырабляюцца ў Кітаі, але ўжо дасягнута дамоўленасьць, што яны будуць зьбірацца на тэрыторыі Вэнэсуэлы», — сказаў дыплямат.

Пра гэта паведамляе Інтэрфакс.

Беларусь і космас

Чарговы беларускі касьмічны спадарожнік плянуецца запусьціць у 2012-м.

14 сьнежня 2011 году Першы намесьнік старшыні Нацыянальнай акадэміі навук Пётар Віцязь паведаміў, што пасьля першай няўдачы з запускам «Белкі» «цяпер праходзіць выпрабаваньне кожны вузел, кожная дэталь».

«Пакуль паасобку ўсё працуе добра. Будзем спадзявацца, што таксама добра спрацуе ў комплексе», — заявіў тады Віцязь.

Прадстаўнік НАН не паведаміў, колькі будзе каштаваць другая спроба запусьціць у космас беларускі спадарожнік.

БелКА (абрэвіятура ад «Беларускі касьмічны апарат») — прыстасаваньне для дыстанцыйнага зандаваньня Зямлі, створанае расейскім прадпрыемствам «Энэргія».

Упершыню яе спрабавалі запусьціць 26 ліпеня 2006 году з Байканура, але ракета-носьбіт «Днепр» пацярпела аварыю.

Другі беларускі спадарожнік дыстанцыйнага зандаваньня Зямлі плянавалася запусьціць у сакавіку-красавіку 2011 году.

Першая «БелКА» праляцела ўсяго 73 сэкунды. На ўзьлёце адбылося аварыйнае адключэньне рухавікоў ракеты. Фрагмэнты ракеты са спадарожнікам упалі на поўдні Казахстану.

Ваша меркаваньне

Паказаць камэнтары

XS
SM
MD
LG