Лінкі ўнівэрсальнага доступу

logo-print

Уладзімер Мацкевіч узначаліў Нацыянальную плятформу


Уладзімер Мацкевіч

Уладзімер Мацкевіч

30 чэрвеня Беларуская Нацыянальная плятформа Форуму грамадзянскай супольнасьці Усходняга партнэрства абрала склад каардынацыйнага камітэта і яго кіраўніка.

Узначаліў камітэт кіраўнік Рады Міжнароднага кансорцыюма «Эўрабеларусь» Уладзімір Мацкевіч. Выбары адбыліся ў часе канфэрэнцыі «Нацыянальная плятформа: 2012 — новая рэальнасьць у няновых умовах», якая праходзіла ў Мінску 29-30 чэрвеня.

На пасаду старшыні былі вылучаныя Уладзімер Мацкевіч, Сяргей Мацкевіч і Улад Вялічка. Сяргей Мацкевіч і Ўлад Вялічка ўзялі самаадвод. За кандыдатуру Ўладзімера Мацкевіч прагаласавала 33 з 38 чалавек.

У выніку галасаваньня ў склад каардынацыйнага камітэту Нацыянальнай плятформы ФГС УП увайшлі:

  • старшыня Міжнароднага кансорцыума «ЕўраБеларусь» Улад Вялічка,
  • каардынатар Офіса па правах людзей з інваліднасьцю Сяргей Драздоўскі
  • намесьнік старшыні Руху «За свабоду» Юрась Губарэвіч,
  • сябра савета грамадзянскай ініцыятывы «Гомельскі дэмакратычны форум» Пётр Кузьняцоў
  • дырэктар Цэнтра прававой трансфармацыі (Lawtrend) Вольга Смалянка,
  • старшыня Асамблеі НДА Сяргей Мацкевіч
  • кіраўнік Рады Міжнароднага кансорцыюма «Эўрабеларусь» Уладзімір Мацкевіч


Ганаровым сябрам каардынацыйнага камітэта быў зноў абраны праваабаронца Алесь Бяляцкі, які знаходзіцца ў месцах пазбаўленьня волі.

Меркавалася, што ў часе канфэрэнцыі будзе таксама прынятая яе канцэпцыя разьвіцьця. Аднак прыняцьце гэтага дакумэнта было адкладзена да наступнай канфэрэнцыі беларускай Нацыянальнай плятформы, правесьці якую плянуецца восеньню, інфармуе eurobelarus.info

Паказаць камэнтары

XS
SM
MD
LG