НАДВОР'Е
У Беларусі – сонечна, тэмпэратура да 27 градусаў.
У ГЭТЫ ДЗЕНЬ:
У Страсбуры – пленарнае паседжаньне Эўрапарлямэнту.
У Ліндаў (Нямеччына) – сустрэча ляўрэатаў Нобэлеўскай прэміі.
Не прапусьціце: у вечаровым эфіры Свабоды – «Праскі акцэнт». Юры Дракахруст, аглядальнік нашага радыё Валер Карбалевіч, намесьнік дырэктара польскага Цэнтру міжнародных адносінаў Войцех Бародзіч-Смалінскі і экспэрт нямецкага цэнтру Бэртэльсмана Карнэліус Охман абмяркоўваюць наступныя пытаньні: Чаму ўлады Беларусі не скарысталіся амністыяй для вызваленьня хаця б некаторых палітвязьняў, а колькасьць палітзьняволеных наадварот павялічваецца? Якімі будуць хада і вынік парлямэнцкіх выбарах і якой будзе рэакцыя Эўразьвязу? Як зьменіцца палітыка Зьвязу адносна Беларусі ў сувязі зь вяртаньнем у Крэмль Пуціна?
* * *
Паважаныя чытачы! Дапамажэце больш поўна прадставіць беларускі дзень – дашлеце інфармацыю пра плянаваныя падзеі, якія будуць цікавыя нашым чытачам, на адрас svaboda@rferl.org.
ГЭТЫ ДЗЕНЬ У ГІСТОРЫІ:
1717 – пачала дзейнічаць шкляная мануфактура ў мястэчку Налібакі, што належала беларускім князям Радзівілам. Тут варылі крышталь і шкло самых розных колераў, шліфавалі, эмалявалі, залацілі звычайны і дэкаратыўны посуд.
1776 – у Філядэльфіі Другі кантынэнтальны кангрэс прыняў рашэньне аб аддзяленьні паўночнаамэрыканскіх калёній ад Вялікабрытаніі.
1927 – у Вільні ўрачысты акт каранацыі іконы Маці Божай Вастрабрамскай.
У гэты дзень нарадзіліся:
1877 – Герман Гесэ, швэйцарска-нямецкі пісьменьнік і мастак, ляўрэат Нобэлеўскай прэміі ў літаратуры.
1922 – Генрых Вагнэр, беларускі кампазытар, народны артыст Беларусі, найбольш вядомы музычнымі творамі дзіцячай і савецкай патрыятычнай тэматыкі.
1923 – Віслава Шымборска, польская паэтка, ляўрэатка Нобэлеўскай прэміі ў літаратуры.
У гэты дзень памерлі:
1566 – Мішэль Настрадамус, вядомы лекар і гісторык.
1961 – Эрнэст Хэмінгуэй, амэрыканскі пісьменьнік, ляўрэат Нобэлеўскай прэміі.
1988 – Часлаў Ханяўка, дзяяч беларускай дыяспары ў ЗША.
1989 – Андрэй Грамыка, cавецкі дзяржаўны дзяяч і дыплямат, які нарадзіўся на Гомельшчыне, быў амбасадарам пры Сталіне, міністрам замежных спраў пры Брэжневе і старшынём прэзыдыюму Вярхоўнага Савету СССР пры Гарбачове.
ЦЫТАТА НА ПАМЯЦЬ:
Для прыстойнага чалавека няма большай асалоды, як жыць у сваёй айчыне ў поўнай бясьпецы, ні з кім ня біцца і не сварыцца і каб ніхто яго не зьняславіў ці пакалечыў або паквапіўся на яго дабро.
Леў Сапега
ГОД ТАМУ НА САЙЦЕ СВАБОДЫ:
Шушкевіча затрымалі на беларуска-літоўскай мяжы
Магілёў. Удзельнікаў маўклівых акцый запалохваюць арыштамі
У Будславе — фэст у гонар Маці Божай Будслаўскай
