У СУБОТУ...
…і нядзелю пераменная воблачнасьць, без дажджу. Тэмпэратура ўдзень плюс 23 – 27.
НЕ ПРАПУСЬЦІЦЕ:
У суботу ў эфіры Свабоды «Гамбурскі рахунак Бахарэвіча» – эсэ пра Івана Чыгрынава.
У нядзелю ў перадачы «Праскі акцэнт» Юры Дракахруст, аглядальнік нашага радыё Валер Карбалевіч, намесьнік дырэктара польскага Цэнтру міжнародных адносінаў Войцех Бародзіч-Смалінскі і экспэрт нямецкага цэнтру Бэртэльсмана Карнэліус Охман абмяркоўваюць наступныя пытаньні: Чаму ўлады Беларусі не скарысталіся амністыяй для вызваленьня хаця б некаторых палітвязьняў, а колькасьць палітзьняволеных наадварот павялічваецца? Якімі будуць хада і вынік парлямэнцкіх выбарах і якой будзе рэакцыя Эўразьвязу? Як зьменіцца палітыка Зьвязу адносна Беларусі ў сувязі зь вяртаньнем у Крэмль Пуціна?
Таксама ў нядзелю паўтор апошняй перадачы Званочкі пад загалоўкам «Эстафэта праз 25 гадоў».
У ГЭТЫЯ ДНІ Ў БЕЛАРУСІ І Ў СЬВЕЦЕ:
30 чэрвеня
На аэродроме «Баравая» пад Менскам пройдзе фэстываль электроннай музыкі Global Gathering Freedom Music. Пачатак а 18.00.
1 ліпеня
Фэстываль «ПІКНІК.BY». На хутары Шаблі пад Валожынам на трох пляцоўках выступіць больш за 30 выканаўцаў, ды-джэяў і паэтаў. Пачатак у 14.00.
***
Паважаныя наведнікі сайту! Дапамажэце больш поўна прадставіць беларускі дзень – дашлеце інфармацыю пра плянаваныя падзеі, якія будуць цікавыя нашым чытачам, на адрас svaboda@rferl.org.
ТАКСАМА Ў ГЭТЫЯ ДНІ:
30 чэрвеня
1944 – 2-я сусьветная вайна: з-пад нямецкай акупацыі вызвалены Слуцак.
1 ліпеня
1569 – заключана Люблінская унія паміж Каралеўствам Польскім і Вялікім Княствам Літоўскім.
1812 – Напалеон абвясьціў узнаўленьне Вялікага Княства Літоўскага і стварыў часовы ўрад Вялікага Княства Літоўскага.
Нарадзіліся:
30 чэрвеня
1911 – Чэслаў Мілаш, польскі паэт, празаік, эсэіст, ляўрэат Нобэлеўскай прэміі.
1 ліпеня
1905 – Пётра Масальскі, беларускі паэт і перакладчык.
1927 – Зора Кіпель, бібліёграф, літаратуразнаўца, публіцыстка, грамадзка-культурная дзяячка эміграцыі ў ЗША.
Памерлі:
30 чэрвеня
1969 – Міхайла Грамыка, беларускі пісьменьнік і навуковец.
1993 – Міхась Мельнікаў, беларускі краязнаўца.
1 ліпеня
1938 – Іван Цьвікевіч, беларускі навуковец, кіраўнік мэдычнай сэкцыі Інстытуту беларускай культуры.
1940 – у савецкім канцлягеры пад каменнымі глыбамі загінуў Уладзімер Хадыка, паэт, перакладчык.
ЦЫТАТА НА ПАМЯЦЬ:
Мы ж з табой усё роўна ходзім,
З сэрцам чыстым, —
Ты — ў квятлівым карагодзе,
Я — ў агністым.
Мы ідзем адной дарогай —
Сонца людзі.
Шмат нам радасьці і многа
Думак будзе.
Будзе песьня залатая,
Будуць стрэчы...
Добры дзень, мая любая!
Добры вечар!..
Уладзімер Хадыка
ГОД ТАМУ Ў ЗАГАЛОЎКАХ НА САЙЦЕ СВАБОДЫ:
Іван Міклаш: Палітычная свабода зьяўляецца перадумовай эканамічнага дабрабыту
Мікалая Статкевіча і Аляксандра Класкоўскага перавялі з карантыну ў атрады
«Газпром» згодны купіць «Белтрансгаз» за $ 2,5 млрд. Без дадатковых умоваў