Лінкі ўнівэрсальнага доступу

Прыпыненьне ўдзелу Ўзбэкістана ў АДКБ не стане стратай для арганізацыі і нэгатыўна не адаб’ецца на яе працы.

Пра гэта заявіў журналістам намесьнік старшыні камісіі Палаты прадстаўнікоў Нацыянальнага сходу Беларусі па міжнародных справах і сувязях з СНД Уладзімер Кужанаў, перадае Інтэрфакс.

Паводле дэпутата, рашэньне Ўзбэкістана не новае, бо гэтая краіна не брала нейкага актыўнага ўдзелу ў працы АДКБ, у пасяджэньнях, рашэньнях пытаньняў:

«Час Узбэкістану вызначыцца па ўдзелу і супрацоўніцтва па лініі АДКБ. Такі
падыход — сёньня хачу, заўтра не хачу — проста несур’ёзны. Напэўна, Узбэкістан яшчэ не перахварэў дзяржаўнасьцю, каб вызначыцца са сваёй пазыцыяй, але я
думаю, яны пасьпеюць, прыйдуць да рашэньня. Нейкай стратай выхад Узбэкістана на сёньня ня будзе».

Дэпутат адзначыў, што ў гэтай сытуацыі не стаў бы ставіць пад сумнеў лёс АДКБ.

Паказаць камэнтары

XS
SM
MD
LG