Лінкі ўнівэрсальнага доступу

logo-print

Ужо сёньня, 29 чэрвеня: Клінтан у Санкт-Пецярбургу, кіно ў Карлавых Варах


Насьценны каляндар да 130-годзьдзя Якуба Коласа

Насьценны каляндар да 130-годзьдзя Якуба Коласа

Бліц-агляд падзеяў і тэмаў у Беларусі, сьвеце, гісторыі.

УДЗЕНЬ...

... будзе ісьці дождж, надвячоркам выпагадзіцца. Тэмпэратура: плюс 19 – 21.

НЕ ПРАПУСЬЦІЦЕ:

У вечаровым эфіры Свабоды перадачы «Экспэртыза», «Госьці Свабоды» і «Падарожжа».

У БЕЛАРУСІ І СЬВЕЦЕ

У Менскім гарадзкім судзе (вул. Дуніна-Марцінкевіча, 1/3) адбудзецца разгляд касацыйнай скаргі карэспандэнта «Эўрапейскага радыё для Беларусі» Паўла Сьвярдлова, затрыманага 22 чэрвеня і асуджанага на 15 сутак паводле артыкула 117.1 КК Беларусі за «дробнае хуліганства». Пачатак у 15.00.

У Дзяржаўным літаратурна-мэмарыяльным музэі Якуба Коласа (вул. Акадэмічная, 5) адбудзецца вечар памяці беларускага філёзафа Ўладзімера Конана. Пачатак у 18.30.

Дзяржсакратар ЗША Гілары Клінтан сустракаецца зь міністрам замежных справаў Расеі Сяргеем Лаўровым у Санкт-Пецярбургу.

У Карлавых Варах пачынаецца міжнародны кінэматаграфічны фэстываль. Працягнецца да 7 ліпеня.

* * *

Паважаныя наведнікі сайту! Дапамажэце больш поўна прадставіць беларускі дзень – дашлеце інфармацыю пра плянаваныя падзеі, якія будуць цікавыя нашым чытачам, на адрас svaboda@rferl.org.

ТАКСАМА Ў ГЭТЫ ДЗЕНЬ

1940 – рэпрэсіі ў БССР: адбылася адна з найбуйнейшых дэпартацыяў жыхароў Заходняй Беларусі ў Сыбір. Толькі за адзін гэты дзень было вывезена 23 тысячы чалавек.

1944 – Вялікая Айчынная вайна: пачатак Менскай апэрацыі, у выніку якой быў вызвалены Менск.

У гэты дзень нарадзіліся:

1896 – Уладзіслаў Казлоўскі, беларускі грамадзка-палітычны дзяяч, паэт, публіцыст.

1913 – Часлаў Будзька, беларускі грамадзкі дзяяч, гісторык, настаўнік.

1925 – Юры Астроўскі, беларускі акадэмік, дырэктар Інстытуту біяхіміі Акадэміі навук, стваральнік Гродзенскай біяхімічнай школы.

1956 – Ніна Баршчэўская, беларускі мовазнавец, грамадзкі й культурны дзяяч.

У гэты дзень памерлі:

1958 – Фабіян Ярэміч, беларускі пасол у польскім Сойме, грамадзка-культурны дзяяч.

1994 – Іван Ласкоў, беларускі пісьменьнік, перакладнік, крытык, гісторык.

ЦЫТАТА НА ПАМЯЦЬ:

Я слоў мудрагелістых сам выдумляць не імкнуся,
Ня еду за словамі тымі ў глухое сяло.
Хачу, каб мяне зразумелі па ўсёй Беларусі,
Каб цьмянага ў вершах радка аднаго не было.


Іван Ласкоў

ГОД ТАМУ Ў ЗАГАЛОЎКАХ НА САЙЦЕ СВАБОДЫ:

У Менску прэзэнтавалі новую кнігу Бахарэвіча. Фотарэпартаж

Як спэцназ паляваў на журналістаў
XS
SM
MD
LG