Лінкі ўнівэрсальнага доступу

Закон аб амністыі разгледзяць адразу ў двух чытаньнях


27 чэрвеня дэпутаты Палаты прадстаўнікоў разгледзяць адразу ў двух чытаньнях законапраект аб амністыі.

Гэта пытаньне яны ўключылі ў сьпіс для разгляду, калі на самым пачатку сёньняшняга пленарнага паседжаньня зацьвердзілі яго парадак дня.

Законапраект паступіў ў Палату прадстаўнікоў 15 чэрвеня з адміністрацыі прэзыдэнта. У гэтым варыянце, як заўважылі праваабаронцы, нягледзячы на амністыю, палітвязьні застануцца ў турмах.

Прапанаваны дэпутатам варыянт правядзеньня амністыі дэманстратыўна карны ў дачыненьні да асобаў, асуджаных па палітычных справах. Напрыклад, на асуджаных па артыкулах Крымінальнага кодэксу «Паклёп у дачыненьні да прэзыдэнта» і «Парушэньне парадку арганізацыі або правядзеньня масавых мерапрыемстваў, масавыя беспарадкі» амністыя не распаўсюджваецца.
XS
SM
MD
LG