Лінкі ўнівэрсальнага доступу

Ужо сёньня, 27 чэрвеня: Прэмія «ПрайдзіСьвету» і закон аб амністыі


Насьценны каляндар да 130-годзьдзя Якуба Коласа

Насьценны каляндар да 130-годзьдзя Якуба Коласа

Бліц-агляд падзеяў і тэмаў у Беларусі, сьвеце, гісторыі.

НАДВОР'Е

У Беларусі – дажджы, тэмпэратура да 20 градусаў.

НЕ ПРАПУСЬЦІЦЕ:

У вечаровым эфіры – перадача Яна Максімюка «Званочкі».

Роўна год таму ўлады Слуцкага раёну распачалі цікавы экспэрымэнт. Увялі забарону на продаж пладова-ягадных він. Ці сталі слуцкія жыхары за гэты год менш піць? Ці перайшлі з «Крыжачка» на «Кабэрнэ». І хто ад гэтага найбольш пацярпеў? Пра гэта чарговая перадача Зьмітра Бартосіка сэрыі «Падарожжы Свабоды».

У БЕЛАРУСІ І СЬВЕЦЕ

У кнігарні «логвінаЎ» (пр. Незалежнасьці, 37а) адбудзецца ўзнагароджаньне пераможцаў прэміі часопіса перакладной літаратуры «ПрайдзіСьвет» за 2011 год. Пачатак а 18.30.

Палата прадстаўнікоў разгледзіць праект закону аб амністыі.

У Жэнэве Рада ААН у правах чалавека разгледзіць сытуацыю ў Беларусі

* * *
Паважаныя наведнікі сайту! Дапамажэце больш поўна прадставіць беларускі дзень – дашлеце інфармацыю пра плянаваныя падзеі, якія будуць цікавыя нашым чытачам, на адрас svaboda@rferl.org.


ГЭТЫ ДЗЕНЬ У ГІСТОРЫІ:

1707 – захоп Быхава, наймацнейшай фартэцыі ВКЛ, маскоўскім войскам у часе Паўночнай вайны.

1919 – у Бігосаве на Дрысеншчыне бальшавікі расстралялі Міхала Буклярэвіча, беларускага рымска-каталіцкага і грамадзкага дзеяча.

1941 – у Віцебску НКВД распачаў масавыя расстрэлы палітычных вязьняў.

1944 – у Менску пачаўся Другі Ўсебеларускі кангрэс, скліканы Беларускай цэнтральнай радай.

1989 – устаноўчы зьезд Таварыства беларускай мовы прыняў зварот да ўсіх прыхільнікаў беларускага слова.

2007 – Рада горада Гайнаўка (Польшча) прыняла закон аб выкарыстаньні беларускай мовы як дапаможнай у мясцовай адміністрацыі.

У гэты дзень нарадзіліся:

1784 – Лявон Бароўскі, літаратуразнаўца, пэдагог і публіцыст, адзін зь вядомых прафэсараў Віленскага ўнівэрсытэту 1820-х, калі Адам Міцкевіч і ягоныя аднагодкі атрымлівалі ў Вільні адукацыю.

1925 – Лідзія Арабей, беларускі празаік, крытык, літаратуразнаўца.

1941 – Кшыштаф Кесьлёўскі, польскі кінарэжысэр.

1949 – Міхаіл Хвастоў, беларускі дыплямат.

1955 – Ізабэль Аджані, француская акторка.

1961 – Анатоль Лябедзька, беларускі палітычны дзяяч, старшыня Аб’яднанай грамадзянскай партыі.

У гэты дзень памерлі:

1933 – Міхась Явар, беларускі паэт.

1947 – Валянцін Таўлай, беларускі паэт, літаратуразнаўца.

ГОД ТАМУ НА САЙЦЕ СВАБОДЫ:

Намесьніка старшыні Віцебскага аблвыканкаму арыштавалі за хабар?

Ігар Яўсееў: 3 ліпеня апладзіраваць можна толькі вэтэранам

Родныя Андрэя Пачобута чакаюць выраку

ЦЫТАТА НА ПАМЯЦЬ:

У савана няма кішэняў.
Уладзімер Караткевіч
XS
SM
MD
LG