Лінкі ўнівэрсальнага доступу

Ужо сёньня, 26 чэрвеня: Лукашэнка ў Чавэса, Рублеўская ў Логвінава


Бліц-агляд падзеяў і тэмаў у Беларусі, сьвеце, гісторыі.

УДЗЕНЬ...


...і надвячоркам будзе ісьці дождж, вечарам магчымыя навальніцы. Тэмпэратура: +12 — +19.


НЕ ПРАПУСЬЦІЦЕ:


У вечаровым эфіры Свабоды перадачы «Экспэртыза», «Бібліятэка Свабоды», «Падарожжа» і «Гамбурскі рахунак Бахарэвіча».


У БЕЛАРУСІ І СЬВЕЦЕ


У кнігарні «логвінаЎ» у Менску на Незалежнасьці 37А прэзэнтацыя кнігі Людмілы Рублеўскай «Сутарэньні Ромула». Пачатак у 18:30.

Аляксандар Лукашэнка зь візытам у Вэнэзуэле.

У Брусэлі зьбіраецца Рада супрацоўніцтва Эўразьвяз-Малдова.

У Люксэмбургу міністры замежных і эўрапейскіх справаў краінаў-сябраў Эўразьвязу абмяркоўваюць пэрспэктывы далучэньня Чарнагорыі.

У Стамбуле саміт краінаў-сябраў Арганізацыі чарнаморскага эканамічнага супрацоўніцтва.

26 чэрвеня — Міжнародны дзень барацьбы са злоўжываньнем наркатычнымі сродкамі і іх незаконным абаротам.

26 чэрвеня — Міжнародны дзень у падтрымку ахвяраў катаваньняў.

* * *

Паважаныя наведнікі сайту! Дапамажыце больш поўна прадставіць беларускі дзень — дашліце інфармацыю пра плянаваныя падзеі, якія будуць цікавыя нашым чытачам, на адрас svaboda@rferl.org.


ТАКСАМА Ў ГЭТЫ ДЗЕНЬ


1941 — супрацоўнікі НКВД расстралялі 5 тысячаў палітвязьняў, прыгнаных зь Менскай і іншых турмаў ва ўрочышча Цагельня каля сучаснага Чэрвеня.

У гэты дзень нарадзіліся:

1897 — Лявон Савёнак, пісьменьнік, журналіст, дзяяч эміграцыі ў Нямеччыне і ЗША.

1900 — Мікола Цэлеш, пісьменьнік, дзяяч эміграцыі ў ЗША.

1909 — Антон Адамовіч, гісторык, літаратуразнаўца, дзяяч эміграцыі ў Нямеччыне і ЗША.

1958 — Тацяна Мушынская, беларуская паэтка і тэатральны крытык.

У гэты дзень памерлі:

1941 — Зэлік Аксэльрод, беларускі габрэйскі паэт, перакладчык беларускай паэзіі на ідыш.

ЦЫТАТА НА ПАМЯЦЬ:

«Заўсёды немагчымага хачу...
Бягу, лячу я ўсьлед за немагчымым.
Хоць ведаю — той прывід сыдзе дымам,
Ягонай траекторыяй імчу.
У промнях сонца зьнікнуць міражы,
Як мроі растрывожанай душы.
Сабе на радасьць, можа, на бяду
У руху тым таемны сэнс знайду.»

Тацяна Мушынская



ГОД ТАМУ Ў ЗАГАЛОЎКАХ НА САЙЦЕ СВАБОДЫ:


Лукашэнку патэлефанаваў гішпанскі кароль

У Польшчы беларускім заўзятарам забаранілі дэманстраваць нацыянальны сьцяг
XS
SM
MD
LG