Лінкі ўнівэрсальнага доступу

У Баранавічах забаранілі пікет «За выбары па законе»


Рыгор Грык
Рыгор Грык

Баранавіцкі гарвыканкам забараніў правядзеньне пікету «за выбары па законе і Канстытуцыі», заяўку на які падаваў апазыцыянэр Рыгор Грык.

У лісьце намесьніка старшыні Баранавіцкага гарвыканкаму Дзьмітрыя Касьцюкевіча Рыгору Грыку паведамляецца, што пікет забаронены, бо заяўка на пікет не адпавядае закону аб масавых мерапрыемствах.

Пікет з мэтай «прапаганды дэмакратызацыі выбарчага заканадаўства» Рыгор Грык хацеў правесьці 1 ліпеня ў Старым парку Баранавічаў.

Спадар меркаваў, што ў ім возьме ўдзел тры чалавекі.

Баранавіцкі апазыцыянэр кажа, што заключыў і дамовы на абслугоўваньне пікету з камунальнікамі, міліцыяй і мэдыкамі, таму цяпер не разумее, чаму чарговы пікет забаронены.

Гэта пяты сёлета пікет, які баранавіцкі гарвыканкам забараніў праводзіць Рыгору Грыку.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG