Былі абстраляныя 9 умацаваных пазыцыяў ваеўнікоў, якія знаходзяцца паблізу іранска-ірацкай мяжы.
Цяперашняя сэрыя авіяналётаў — другая за апошні тыдзень. У мінулы аўторак курдзкія сэпаратысты забілі васьмярых турэцкіх салдатаў на мяжы паміж Іракам і Турцыяй. Паводле зьвестак турэцкага камандаваньня, падчас апэрацыі ў адказ авіяўдарамі былі забітыя больш за 30 паўстанцаў.
Курдзкія ваеўнікі ўжо многія гады выкарыстоўваюць свае базы на поўначы Іраку для удараў па тэрыторыі Турэччыны. Барацьба за аўтаномію паўднёва-ўсходніх раёнаў Турэччыны, населеных пераважна курдамі, вядзецца сэпаратыстамі ад 1984 года. У канфлікце загінулі дзясяткі тысячаў чалавек.
