Лінкі ўнівэрсальнага доступу

Шатляндцы ўшанавалі Гавэла шатляндкай


Узор шатляндкі сымбалізуе перасьлед пісьменьнікаў 21June 2012

Узор шатляндкі сымбалізуе перасьлед пісьменьнікаў 21June 2012

Былы прэзыдэнт Чэхаславаччыны і Чэхіі Вацлаў Гавэл і пасьля сваёй сьмерці ў сьнежні летась працягвае атрымліваць доказы прызнаньня і шанаваньня.

У прыватнасьці, у сакавіку сёлета у Чэхіі выпусьцілі адмысловы мэдаль у гонар Вацлава Гавэла. А неўзабаве міжнародны аэрапорт Рузыне ў Празе атрымае ягонае імя.

Але адзін з самых арыгінальныў спосабаў ушанаваць памяць апошняга прэзыдэнта Чэхаславаччыны і першага прэзыдэнта посткамуністычнай Чэхіі прыдумалі шатляндцы.

Нядаўна шатляндзкая кампанія пад назвай «Liberation Kilt Company», якая вырабляе гэтак званую шатляндку, то бок, традыцыйную клятчастую тканіну (tartan), зь якой у Шатляндыі шыюць кільты — адмысловыя спаднічкі для мужчынаў — зарэгістравала узор гэтай тканіны пад назвай Havel tartan.

Клятчасты ўзор, які быў зарэгістраваны ў адмысловым шатляндзкім ведамстве пад нумарам 10625, выкананы ў белым, чырвоным і чорным колерах і сымбалізуе краты, за якія чэхаславацкі камуністычны рэжым шматразова саджаў былога дысыдэнта Гавэла.

XS
SM
MD
LG