Лінкі ўнівэрсальнага доступу

Ужо сёньня, 20 чэрвеня: у сьвеце — Дзень абароны сланоў, а ў Менску — дэлегацыя Камбоджы


Elephant Transparent

Elephant Transparent

Бліц-агляд падзеяў і тэмаў у Беларусі, сьвеце, гісторыі.

НАДВОР'Е

Па ўсёй Беларусі пераменная воблачнасьць, без ападкаў. +20. +22 градусаў. Вечарам — суцэльная воблачнасьць і дождж.

У БЕЛАРУСІ І Ў СЬВЕЦЕ

Камбаджыйская парлямэнцкая дэлегацыя на чале са старшынём Нацыянальнай Асамблеі Каралеўства Камбоджы Хенгам Самрыном прыяжджае ў Беларусь. Падчас візыту плянуюцца сустрэчы Хенга Самрына з кіраўніцтвам Беларусі, бакі абмяркуюць пытаньні разьвіцьця беларуска-камбджыйскіх адносінаў.

Па адрасе зав. Калініна 12–312, кампанія «За справядлівыя выбары 2012» праводзіць прэсавую канфэрэнцыю на тэму «Кантроль над выбарамі — кантроль над уладай!». Пачатак аб 11 гадзіне.

Інфармацыйнае бюро Салідарнасьці зь Беларусьсю запрашае на прэзэнтацыю кнігі «Беларусь у фокусе: Вачыма міжнародных журналістаў». Месца правядзеньня — памяшканьне ПЭН-цэнтру (вул. Залатая горка, 2 — 101). Пачатак, а 17.30.

Дні культуры Катару ў Беларусі.

У Гістарычнай майстэрні (вул. Сухая, 25) у рамках кінаклюбу «Невядомая Беларусь» гісторыка Ігара Кузьняцова адбудзецца паказ і абмеркаваньне 2-х дакумэнтальных фільмаў «Лінія Сталіна: гонар ці ганьба?» (Белсат, 2008), а таксама прэм’ерны прагляд фільму «Лінія Сталіна — Гомельскі рэгіён». Уваход вольны. Пачатак у 17.00.

У Рыа дэ Жанейра (Бразілія) канфэрэнцыя ААН па ўстойлівым разьвіцьці («Саміт Зямлі»). Ад Беларусі возьме ўдзел міністар замежных справаў Сяргей Мартынаў.

У вечаровым эфіры Свабоды — Ян Максімюк адкажа на пытаньні слухачаў у перадачы «Званочкі», «Паштовая скрынка 111» з Валянцінам Жданко й «Падарожжы Свабоды» ў Лагойск зь Віталём Сямашкам

Паважаныя слухачы! Дапамажыце больш поўна прадставіць беларускі дзень — дашліце інфармацыю пра плянаваныя падзеі, якія будуць цікавыя нашым чытачам, на адрас svaboda@rferl.org.


ТАКСАМА Ў ГЭТЫ ДЗЕНЬ

1606 — у Магілёве пачалося мяшчанскае паўстаньне пад кіраўніцтвам Стахора Мітковіча
1840 — Сэмюэл Морзэ атрымлівае патэнт на вынаходніцтва тэлеграфа
1948 — адкрылася для наведнікаў філія Літаратурнага музэю Янкі Купалы ў Вязынцы
1960 — абвяшчэньне незалежнасьці Малі і Сэнэгалу
1991 — Бундэстаг Нямеччыны прыняў рашэньне аб пераносе сталіцы з Бону ў Бэрлін

Сусьветны дзень абароны сланоў у заапарках
Сусьветны дзень уцекачоў (ААН)
У Аргентыне Дзень сьцягу
У Японіі Дзень мора


У ГЭТЫ ДЗЕНЬ НАРАДЗІЛІСЯ:


1566 — Жыгімонт Ваза (пам. 1632), вялікі князь літоўскі і кароль польскі, кароль швэдзкі

У ГЭТЫ ДЗЕНЬ ПАМЕРЛІ:


1963 — Пётра Сыч, пісьменьнік, журналіст «Радыё Свабода»

ЦЫТАТА НА ПАМЯЦЬ:

«Радыёстанцыя «Вызваленьне» ёсьць голасам стойкіх і адважных. Яна зьяўляецца тэй прыладай, пры дапамозе якой мы будзем інфармаваць Вас аб запраўдным, свабодным жыцьці ў вольным сьвеце, аб тэй бязьмежнай сымпатыі, якую выказвае гэты вольны сьвет да Вас, прыгнечаных, але захаваўшых поўнасьцю сваё людзкое «Я».
Пётра Сыч, Першы эфір Радыё Свабода

ГОД ТАМУ Ў ЗАГАЛОЎКАХ НА САЙЦЕ «СВАБОДЫ»

Трыпалі: у выніку авіяўдару НАТО загінулі 15 мірных жыхароў
«Дарагі Саша, твой жорсткі рэжым калісьці скончыцца»
Шушкевіч: Калі б ня Бонэр, то сахараўскага каледжу ў Беларусі не было б
Р.Сікорскі: "Лукашэнка мусіць выбраць дарогу: да дэмакратыі або ў Гаагу"
XS
SM
MD
LG