Пра гэта паведаміў сайт правабарончага цэнтра «Вясна». Ён быў абаронцам у палітычна-матываваных справах, шмат працаваў з журналістамі і актывістамі па пытаньнях абароны ў адміністрацыйным і крымінальным працэсе, вялікі ўнёсак зрабіў у асьвету і адукацыю па правах чалавека моладзі, юрыстаў, праваабаронцаў і адвакатаў.
Барыс Звозскаў нарадзіўся ў 1949 годзе ў Белагорску (Расея), скончыў Ленінградзкі электратэхнічны інстытут. Да 1987 году працаваў інжынэрам электроннай тэхнікі ў арганізацыі «Каскад» Міністэрства сярэдняга машынабудаваньня СССР, затым — у канцэрне «Планар».
